Lihâdem torvolâšvuotâ

Liihâdmist lii tehálâš merhâšume pyereestvajemân. Ko tom olášut riehtâ, lihâdem já äigiájánâslihâdem lii torvolâš meiddei talle, ko tust láá puácuvuođah tâi tavdâmeerhah. Lihâdem juátkim tâi algâttem lii meiddei uási maaŋgâi puácuvuođâi tipšo.

Jis oro, ete tun lah tiervâs já tust iä lah puácuvuođah, tun puávtáh pyereest algâttiđ keppâ tâi mottoom verd myekkejeijee lihâdem tuáhtártärhistemttáá. Lihâdem mere já vuáimálâšvuođâ kannat lasettiđ kuuloold, vâi lihâdem lii sehe torvolub ete vuohâsub. Aakuut njuámmum ääigi kalga velttiđ äigiájánâslihâdem. Infektio maŋa liihâdmân kalga maccâđ kuuloold.

Jis tust láá tavdâmeerhah tâi mottoom puoccâmtile, mii lii luvâttâllum vuoluubeln, te lii pyeri, ete tun savâstâlah tiervâsvuotâhuolâttâs áámmátulmuin ovdil ko tun algâttah lihâdem, mii lii lussâdub ko jyehipiäiváliih argâtooimah:

• váimu- já vorrâjotteemorgaanvuáháduv puácuvuotâ

• diabetes 

• vuoiŋâmorgaanvuáháduv puácuvuotâ

• ollâ vorrâteedâ (tipšohánnáá tâi hyenes tipšotäsitiädust orroo vorrâteedâtavdâ)

• mottoom eres aktiivlii muddoost orroo kuhesääigi puácuvuotâ

• raddepoovčâs

• ritmâhemâdâsah 

• jiegâatâštâs

• epitáválâš silloom

• uáivikiäsáttâh tâi ijjávaijeem

• tiäđulâšvuođâmonâttemtoppiittuvah

Luuvâ lase liihâdmân maccâmist infektio maŋa Tiervâs valastâllee -sijđostuvâst: 

Maccâm valastâlmân vuoiŋâmuáli-infektio maŋa (ravvuu tuhhiittâm: Škovlimnjunoštuáhtár Maria Hagnäs 4.2.2025):  Paluu urheiluun hengitystieinfektion jälkeen 

Käldeeh: 

Lihâdem. Käypä hoito (Pyeri tipšo) -avžuuttâs, 2016 hoi50075.pdf (čujottum 3.12.2024) 

Kaavnâ mielâmield lihâdemhäämi päikkikieldâstâd:

Kieldâi falâldâh

Ornijduumij falâldâh

Lapin hyvinvointialueen palvelut

Jieštipšomohjelmeh