Luándu oovded pyereestvaijeem
Luándu oovded pyereestvaijeem
Luándust láá ennuv tutkum pyereestvaijeemvaikuttâsah sehe mielân ete roopân. Luándu pyereestvaijeemvaikuttâsâid puáhtá uážžuđ jo uánihis-uv aldaluándupuudâ maŋa, ađai kannat anneeđ luándun vyelgim älkken já táválâžžân. Luándust orodijn lassaan lihâdem távjá tegu huámmášhánnáá, mii naanood luándust orroom tiervâsvuotâvaikuttâsâid.
Tutkâmušâin láá huámášâm, ete luándu oovded mielâ pyereestvaijeem, estâd šlundevuotâtavdâmeerhâid já streesi sehe pyereed mielâtile. Luándust lii asto orostiđ smietâdiđ jieijâs aašijd já virkosmiđ aargâ huápuin. Luándust orodijn huolah já murrâšeh vájálduveh. Olgonlihâdem maŋa vaigâdis ääših-uv oroh älkkeebin kieđâvuššâđ. Nube tááhust ovdâmerkkân pargočuákkim olášuttem nuuvt, ete vázzá olgon luándust puáhtá išediđ kieđâvuššâđ aašijd eenâb ávusmielâlávt, utkáht já čuávdusij kulij viigân. Luándust viettum äigi iššeed meiddei vuájudâttâđ pyerebeht.
Lii huámášum, ete luándust orroom vaaikut mielâ lasseen meiddei fyysilii tiervâsvuotân. Jo uánihis luándust orroom vyeleed vorrâtedduu já vááimu ravkkem. Láá čáittám tuottân, ete luándust viettum ääigist lii ohtâvuotâ pyereeb váimutiervâsvuotân já häärvib lijgetiädu já tiijpâ 2 diabetes tiettuumân. Luándust viettum äigi puáhtá suoijiđ meiddei astma já allergiai ovdánmist. Luándust mij kuáhtáp mikrobijd, moh láá mii pyereestvajemân teháliih. Tot puáhtá oinuđ vuástálistemnaavcâ puárránmin.
Luuvâ lase luándu pyereestvaijeemvaikuttâsâin Tiervâsvuotâkirjeráájust:
Luándust mielâtiervâsvuotâ, iälšu já eellim pyerivuotâ - Terveyskirjasto
Ane ävkkin Mielâtiervâsvuotâtáálu Pyereestvaijeem luándust -jieštipšomohjelm tâi iiskâ meccimielâhárjuttâsâid:
Pyereestvaijeem luándust -jieštipšomohjelm: Tiervâpuáttim Pyereestvaijeem luándust -ohjelmân! | Mielenterveystalo.fi
Pyereestvaijeem luándust -jieštipšomohjelm: 2. PARGOPIERGÂSEH | Mielenterveystalo.fi