Maht mun puávtám ovdediđ pargonaavcâidân?
Maht mun puávtám ovdediđ pargonaavcâidân?
Maaŋgâ pargoost tun puávtáh hammiđ pargoadeleijee ravvui já njuolgâdâsâi mield jieijâd pargopeeivi tagarin, ete tot tuárju tuu pargonaavcâid. Talle tun lah jieš aktiivlâš tuáimee jieijâd pargonaavcâi já pyereestvaijeem oovdedmist. Tun puávtáh máhđulávt toohâđ nubástusâid ovdâmerkkân jieijâd äigikevttimân já pargoi vuosâsajan piejâmân. Pargovuovij uđâsmitmist kannat meiddei pargosaajeest savâstâllâđ, vâi pargosiärvus puáhtá ovdediđ pargo tagarin, ete tot tuárju pyereestvaijeem. Jis tun tuubdah čuávdusijd, moh njyebžiliteh tuu pargo tâi halijdah ovdâmerkkân uđđâ hástusijd, savâstâl tain ruokkâdávt pargosiärvusist.
Pargonaavcâi ovdedem tehálâš uási láá meiddei aargâ valjiimeh. Ama väridah tuárvi ääigi vuoiŋâstmân já virkoosmmân. Lihâdem, äigiájánâsah já mielâmield sosiaalliih koskâvuođah išedeh virkosmiđ pargo tovâttem nuáđđásmist. Tiervâslâš já merikoskâsâš purâdem iššeed vaijeeđ pargoost já astoääigi še.
Jis tun lah huolâstum jieijâd pargonaavcâin, te ääšist kalga jotelávt savâstâllâđ ovdâulmuin. Tuu ovdâolmooš puáhtá išediđ tuu hammiđ tuu pargo tuše talle, ko sun tiätá nuáđásem tovâtteijee aašijn. Pargonavccáid lahtojeijee hástusijn tun uážuh iše meiddei pargotiervâsvuotâhuolâttâsâst. Jis lii tárbu, tun puávtáh väldiđ ohtâvuođâ meiddei pargosaje pargosuojâlemváldálâžân.
Jis tun lah pargoeellim ulguubeln, tun puávtáh ucâluđ pargottes ulmui tiervâsvuotâtäärhistmân.
Luuvâ lase:
Pargotiervâsvuotâlájádâs: Jieijâs pargo hammim
Speelâ Diakonia-áámmátollâškoovlâ siijđoin Pyereestvaijeembiŋo , mii tuárju pargonaavcâid.