Maht puáhtá ovdediđ mielâ pyereestvaijeem?

Mielâ pyereestvaijeem puáhtá nanodiđ maaŋgâ náálá. Tun puávtáh nanodiđ mielâ pyereestvaijeem ereslasseen čuávuvij vuovijgijn:

Naver, lihâdem já purrâmâš – roopâ já mielâ pyereestvaijeem vuáđu

Roppâ já mielâ toimâv oovtâst, nuuvt ete pyereestvaijeem vuáđu lii tiervâslijn eellimtaavijn. Naver vaaikut njuolgist mielâtilán, vuáijumnaahcân já streesi kierdâmân. Ko uáđá tuárvi ennuv, te tot iššeed vaijeeđ já kieđâvuššâđ tobdoid pyerebeht. Lihâdemgâs luáštá joton pyere mielâ hormoonijd já keeppid streesi sehe lasseet pyere vajo. Maaŋgâpiälálâš purrâmuš addel vuoiŋâšáid taarbâšlii energia já ton vievâst mielâtile piso täsivin

Sosiaalliih koskâvuođah já merhâšitteevuotâ – pyereestvaijeem keđgijyelgi

Pyereh olmooškoskâvuođah, siärvuslâšvuotâ já eellim merhâšitteevuođâ feerim lasetteh pyereestvaijeem já naavcâ kierdâđ vyestikevâdijd. Olmooškoskâvuođah láá ohtâ tehálumosijn mielâ pyereestvaijeem käldein. Luáttámušliih já movtijdittee olmooškoskâvuođah kepideh streesi já lasetteh torvolâšvuođâ tobdo. Aldaulmuigijn juohhum iloh já murrâšeh taheh eellim älkkeebin. 

Tobdoi kieđâvuššâm já streesi haldâšem – mielâ njyebžilvuođâ nanosmittem

Puoh tobdoh, meid vaigâdeh já unohâsah, kuleh elimân. Tergâd lii oppâđ tubdâđ já tuhhiittiđ taid sehe kavnâđ ovdedeijee vuovijd kieđâvuššâđ taid. Lii tergâd tuhhiittiđ, ete puoh tobdoh láá uási elimist. Streesi haldâšem toorjâvyevih láá ovdâmerkkân äigihaldâšem, tobdoi kieđâvuššâm já muássumhárjuttâsah. Tiäđulâšvuotâtááiđuh, jieijâs rávhuiduttem vuoiŋâmhárjuttâsâigijn já mietimielâlâš jurdâččem jieijâs kuáttá pyehtih älkkeedittiđ streesi já atâštâs. Tot, ete máttá koijâdiđ iše já torjuu, lii meiddei tehálâš uási mielâ pyereestvaijeem paijeentolâmist. 

Käldeeh: https://www.mielenterveystalo.fi/fi 

Jieškote-uvlávánijd tavdâmerháid já eellimtiilijd sehe mielâ pyereestvaijeem toorjân láá fáállun palvâlusah, moh láá puohháid ávusin já mávsuttemeh. Iäge toh vaađâ registeristem. 

Anonyympalvâlusâid, moh láá älkkeht juksâmnáál, fäälih el.:

Enjaksa.fi já Normaali.fi  

Naver já mielâtiervâsvuotâ   

Mieli ry - Suomâ mielâtiervâsvuotâservi

Liikunta ja kehon kuunteleminen - MIELI ry (Lihâdem já roopâ kuldâlem) 

Ornijduumij falâldâh

Laapi pyereestvaijeemkuávlu palvâlusah

Jieštipšomohjelmeh

Jieštipšom | Mielenterveystalo.fi 

Mainâsišedem videoh tuu iššeen