Nahhaar jieštipšom
Nahhaar jieštipšom
Viehâdâhtääsist mij uáđđip taan ääigi ucceeb ko ovdâlist já siämmáá ääigi naverttesvuotâ lii šoddâm táválâžžân. Hoppuus argâ já naverääigist kištottellee tooimah, tegu some lađâstâllâm já eres ruvduäigi láá šoddâm táválâžžân já kepidâm já hiäjusmittám mii nahhaar. Positiivlâš kuittâg lii, ete jieččân valjiimijgijn mij pyehtip vaikuttiđ nahhaar miärán já táásán.
Tun puávtáh árvuštâllâđ jieijâd naverhárjánmijd Mielâtiervâsvuotâtáálu naverhuolâttâsravvuigijn. Kalle te-vástádâs tun ožžuh? Maid tun puávtáččih vala toohâđ, vâi tun uáđáččih pyerebeht?
Nahhaar jieštipšom vyevih suápih pyeremusávt ulmuid, kiäi navervaigâdvuođah láá tuš uceh tâi kuáhtuliih. Tun puávtáh valjiđ jieijâd aargân hiäivulijd naverhuolâttâsvuovijd OPAS-haavâ naverhuolâttâsraavâkirjeest.
Jis naverčuolmah šaddeh kuhheebáigásâžžân tâi vaigâdubbon, tooid puáhtá uážžuđ iše. Jis naverčuolmah vaikutteh tuu aargân já nahhaar jieštipšomvyevih iä pijssáá, tun puávtáh väldiđ ohtâvuođâ jieijâd tiervâsvuotâsajattâhân tâi pargotiervâsvuotâhuolâttâsân. Škovlâliih já uáppeeh pyehtih savâstâllâđ naveraašijn škovlâ- tâi uápputiervâsvuotâhuolâttâsâst.
Iiskâ Mielâtiervâsvuotâtáálu hárjuttâs:
Hárjuttâs: Pyere nahhaar huolâttemtooimah
Laapi pyereestvaijeemkuávlu palvâlusah
Jieštipšomohjelmeh