Narkotiikamnâseh já eres uáivádittee amnâseh
Narkotiikamnâseh já eres uáivádittee amnâseh
Narkotiikamnâseh ađai narkotiikah láá uáivádâsah, moh láá Suomâst lavâttemeh. Toh tovâtteh korrâsávt sorjolâšvuođâ. Toh láá ovdâmerkkân kannabis, amfetamiin, ekstaas, heroiin, kokaiin, LSD já nubástusnarkotiikah. Narkotiikâi vaikuttâsah já riiskah mulsâšudeh.
Narkotiikâi kevttim puáhtá älgiđ keččâlmist, mii puáhtá kuittâg jotelávt ovdániđ tuođâlâžžân sorjolâšvuottân. Jis narkotiikâi kevttim juátkoo, narkotiikâi kierdâmnahcâ šadda, já meiddei mereh šaddeh. Stuorrâ uási narkotiikâin puáhtá talle tovâttiđ meiddei mirhâttâsvaarâ.
Narkotiikah vaikutteh sehe psyykkilii ete fyysilii tiervâsvuotân. Aalgâst toh pyehtih adeliđ pyere mielâ, mut kevttimist puáhtá čuávvuđ šlundevuotâ, atâštâs, naverttesvuotâ, seehi já eres tavdâmeerhah. Narkotiikah vaikutteh meiddei ruttâtuálun, sosiaallijd koskâvuođáid já almolii pyereestvajemân sehe pyehtih tuálvuđ rikolijd toimáid.
Narkotiikâi lasseen meiddei talkkâsij puástukevttim puáhtá tovâttiđ sorjolâšvuođâ. Taat uáivild ovdâmerkkân povčâstalkkâsij já rávhuiduttee talkkâsij kevttim uáivádumtárguttâssáin. Meiddei imppam, ađai ovdâmerkkân liijmái, ilokaasu já bensin vuoiŋâm, lii hirmâd varâlâš já puáhtá vahâgittiđ vuoiŋâšijd.
Narkotiikâi já eres uáivádâsâi kevttimist láá tuođâliih čuávumušah, mut iše puáhtá uážžuđ. Jis tun tâi tuu aldaolmooš taarbâšvettee torjuu, iše kannat uuccâđ ääigild. Narkotiikkevttim, talkkâsij puástukevttim já imppam joskâm várás uážžu iše Laapi pyereestvaijeemkuávlu sosiaal- já tiervâsvuotâpalvâlusâin. Lasseen fáállun láá jieškote-uvláváneh viärdásâšjuávhuh, ornijduumij toorjâhäämih sehe jiešišepalvâlusah, main lii máhđulâš uážžuđ torjuu uáivádâskevttim joskâm várás.
Lah-uv tun huolâstum narkotiikamnâsijn tâi eres uáivádittee amnâsijn?
Tun puávtáh luuhâđ lase narkotiikamnâsijn já eres uáivádittee amnâsijn sehe toohâđ iskos jieijâd narkotiikkevttimis tääbbin:
Narkotiikâi kevttim koijâdâllâm (DUDIT) | Mielenterveystalo.fi
Toorjâ narkotiikamnâsij já eres uáivádittee amnâsij joskâm várás
NA infopuhelin narkotiikâi kevtteid
Irti huumeista ry (Luovâs narkotiikâin) išedeijee puhelin narkotiikâi kevtteid já sii aldaulmuidn
Laapi pyereestvaijeemkuávlu palvâlusah
Jieštipšomohjelmeh