Naver oovded pyereestvaijeem
Naver oovded pyereestvaijeem
Pyeri naver, mon uážžu tuárvi ennuv, lii mii pyereestvaijeem vuáđu. Ko mij lep vuoiŋâstâm pyereest, mij vaijeep pyerebeht aargâ nuáđásem já energia páácá meiddei alnestis huolâ anemân. Ko mij lep uáđđám tuárvi, mii mielâtile, vuáijumnahcâ já streesi kierdâm láá pyerebeh. Ko mij lep vuoiŋâstâm pyereest, mij lihâdep aargâst eenâb já toohâp pyerebijd valjiimijd purâdem háárán.
Nahhaar tárbu lii ohtâgâslâš. Enâmus rävisulmuuh tarbâšeh 7–9 tijmed nahhaar pirrâmpeeivist. Nahhaar mere lasseen merhâšittee lii tot, ete kuás uáđá. Uáđđiđ kannat moonnâđ talle, ko ehidist luándulávt šaddeh vaibâseh. Naverritmâ kannat-uv leđe aargâi já oholoopâ nuuvt kiärdulâš ko máhđulâš, jis tot lii pargo já eellimtile peeleest máhđulâš.
Lii pyeri mušteđ, ete pyeri naver šadda peeivi ääigi. Tuárvi ennuv vuoiŋâstempuudah já uccâ-uv orostem hoppuus aargâst išedeh uáđđáđ ehidist. Jis vuoiŋâšeh iä lah peeivi ääigi uážžum taarbâšlijd vuoiŋâstempuudâid, te roppâ älkkeht jotá lijgeaktiivlâžžân vala uáđđáádijn-uv. Eehid kannat rávhuiduttiđ rutiináid já velttiđ ruvduääigi, mii čuovjisčuovâ lasseen aktivist mii vuoiŋâšijd ain uđđâ stimulâsâigijn.
Sätinaverttesvuotâ lii uáli táválâš. Jis naverčuolmah tâi liijkás vááijuvlâš uáđđim juátkojeh kuhháá, toh láá riskâtahheeh maaŋgâ kuhesääigi puácuvuotân, tegu vááimu já vorrâjotteemorgaanvuáháduv puácuvuođáid, tiijpâ 2 diabetesân já lijgetiädun. Nube tááhust maaŋgah puácuvuođah pyehtih meiddei vaikuttiđ naharân. Naverttesvuođáin ij kannat pääcciđ ohtuu. Jis nahhaar jieštipšomvyevih iä iššeed, kannat uuccâđ iše jotelávt.
Luuvâ lase naverttesvuođâst Mielâtiervâsvuotâtáálu sijđostuvâst:
Laapi pyereestvaijeemkuávlu palvâlusah
Jieštipšomohjelmeh