Pargomotivaatio

Pargomotivaatioin uáivildeh ulmuu čonnâsume já munejurduu jieškote-uvlávánij pargoi kuáttá. Pargomotivaation vaikutteijee olgoldâs motivaatiotahheeh láá ereslasseen movtijdittem, maid pargoost uážžu, oohtânkuullâm tobdo já pälkki. Siskáldâs motivaatiotahheeh čonnâseh nanosávt tobdoid, tegu ovdâmerkkân jieijâs tuottântoohâm já ovdedem sehe háálu oppâđ uđđâs já porgâđ merhâšittee pargo.

Pargo njamoin uáivildeh mieđes tobdo- tâi motivaatiotile, mon pargoost feeree. Pargee munejurduuh já movtáskem vaikutteh pargonavccáid. Pargo, mon uáiná jieijâs áárvui vuástásâžžân, puáhtá njeidiđ pargonaavcâid. Mudágávt mielâmield já hástulâš pargo puáhtá nanodiđ pargonaavcâid.  

Mieđes tobdo- tâi motivaatiotiileest orroo olmooš vuálgá mielâstis paargon, ana pargo tehálâžžân já naavdâš tast. Ko pargee tobdá pargo njamo, šadda porgâm iäljárvuotâ, toos čonnâsem já vuáijum älkken. Máhđulâšvuotâ vaikuttiđ jieijâs paargon, macâttâs, maid pargoost finnee já tuáimee juávkkuporgâm lasetteh pargo njamo.

Tun puávtáh jieš árvuštâllâđ jieijâd paargon lohtâseijee tobdotile. Toovâ iskos täst! 

Luuvâ lase pargo njaamoost Pargotiervâsvuotâlájádâs www-siijđoin:

https://www.ttl.fi/teemat/tyohyvinvointi-ja-tyokyky/tyon-imu

Laapi pyereestvaijeemkuávlu palvâlusah

Jieštipšomohjelmeh