Pyereestvaijeem kulttuurist
Pyereestvaijeem kulttuurist
Taaiđâ- já kulttuurtooimah ovdedeh pyereestvaijeem maaŋgâ náál. Tot fáálá máhđulâšvuođâ pyerediđ mielâtile já eellim pyerivuođâ.
Ko tun uásálistáh taaiđâ- já kulttuurtoimáid tun tuárjuh utkáávuođâd, jieštobdod já tyestilvuođâd. Kulttuur, mii pirâstit mii, taha máhđulâžžân uđđâláván kuáhtáámijd já uđđâ uáinui kavnâm pirâstittee tuotâmaailm háárán sehe tom, ete iäráseh kuleh tuu jurduid. Taiđuu piällást lii saje suogârdiđ jieijâs tobdoid, feeriimijd, tutkâđ olmoošvuotân lohtâseijee koččâmušâid já oppâđ eres ulmuin uđđâ peelijd. Taaiđâ já kulttuur pyehtih riggodiđ tuu aargâ já pyehtiđ tuu oohtân siämmáávuoiŋâlii ulmuigijn. Tutkâmušâi mield jieijâs taaiđâ- já kulttuurkoskâvuođâ tipšom oovded ovtâskâs ulmuu já siärváduv pyereestvaijeem.
Taaiđâ- já kulttuurtooimah vaikutteh ulmui pyereestvajemân ereslasseen nuuvt, ete toh ovdedeh uásálistem, uásálâšvuođâ, sosiaallii uáiviomâduv já sosiaallijd tááiđuid já estâdeh helbâm. Luuvâ laseSitra taiđuu já kulttuur pyereestvaijeemvaikuttâsâi tiätukoortâst.
Tutkâmušâi mield taiđuu já kulttuurtooimâi tiervâsvuotâvaikuttâsah láá ereslasseen puáránâm tiervâsvuođâ feerim, kiäppánâm fyysiliih já psykologliih tavdâmeerhah sehe kukkom eellimave vuordâ. Taiđust láá positiivliih vaikuttâsah tipšompirrâsáid já tipšo táásán. Luuvâ lase Sitra taiđuu já kulttuur tiervâsvuotâvaikuttâsâi tiätukoortâst.