Pyeri piämmutile puáráásmdijn

Pyeri piämmutile merhâšume toimâmnaavcâi já tiervâsvuođâ paijeentolâmist šadda tehálubbon, ko olmooš puáráásm. 

Puárásmem nubástut orgaanvuáháduv ráhtus já tooimâid. Energiatárbu ucco, mut maaŋgâi raavâdamnâsij tárbu lii siämmáš ko ovdâlist, tâi joba šadda. Nubástusah čoolij toimâmist, máhu- já hajâááicuin, purâstume já koško tubdâmist já njäälmi tiervâsvuođâst pyehtih vaikuttiđ purâmân já puurrâmluuston. Meiddei psyykkisiih ääših, tegu ohtuuvuotâ, vaikutteh távjá puurrâmluuston. Väni purrâmâš já ruoinâm, maid ij lah áigum, láá stuárráb riskâ ko lijgetiäddu talle, ko olmooš puáráásm. 

Merikoskâsâš purâdemritmâ iššeed maaŋgâpiälálii já tuárvi valjaas puurrâm turviimist. Purrâmâš kalga pyehtiđ ilo já navdâšem - tot addel naavcâid sehe roopân ete mielân.

Jis tuu purrâmâšválju lii šoddâm oovtpiälálâžžân, tâi jis tuu tiäddu njiäjá, veik jieh lah áigum, te lii tergâd savâstâllâđ ääšist tiervâsvuotâhuolâttâsâst.

Lasetiätu já oonah elilâm ulmuu pyere piämmutilán:

Piämmuraavâkirje vuorâs ulmuid čuákkee oohtân vuorâs ulmuu piämmutile vuáđuaašijd (Valtion ravitsemusneuvottelukunta - Staatâ piämmutileráđádâllâmkodde)

Purrâmušvirgáduv Virkkuuvuotâ seniorivvijd sijđostuvâst sehe Gery ry  Naavcâid purrâmâšâst -sijđostuvâst tun kaavnah ennuv tiäđu, oonâid já iskosijd, moh lohtâseh tuu jieijâd piämmutilán já pyereestvajemân.

Lah-uv tun huolâstum tast, ete lii-uv tuu jieijâd tâi tuu aldaulmuu purrâmâšválju tuárvi valjaa? 

Luuvâ lase vááijuvravâdemriiskâst Terveyskylä vajoidittemtáálu Tuárvi valjaas piämmutile - raavâkirje vááijuvravâdem estimân sijđostuvâst.

Ornijduumij falâldâh

Laapi pyereestvaijeemkuávlu palvâlusah

Jieštipšomohjelmeh

Tiervâsvuođâ ovdedeijee purrâmâš (váátá noonâ tubdâttâttâm)