Rijjâtátulâš toimâm, viärdásâštoorjâ já eellimfeerimtoimâm
Rijjâtátulâš toimâm, viärdásâštoorjâ já eellimfeerimtoimâm
Rijjâtátulâš toimâm
Rijjâtátulâžžân toimâm addel ilo já merhâšume elimân. Rijjâtátulâžžân tun uážuh siskáldâs peivijdâd, uđđâ tááiđuid já feeriimijd siämmást, ko tun faalah nube ulmui máhđulâšvuođâ uážžuđ torjuu, iše tâi feeriimijd.
Rijjâtátulii toimâmist lii Suomâst kuhes historjá, já maaŋgah ornijdumeh fäälih maaŋgâlávánijd rijjâtátulii toimâm máhđulâšvuođâid. Tun puávtáh toimâđ olssâd tergâdij aašij peeleest já uásálistiđ vuovvijn, mii suápá tunjin, tuu táiđoid já äigikevttimân.
Lähellä.fi-nettipalvâlus čuákkee oohtân rijjâtátulii toimâm máhđulâšvuođâid, maid ornijdumeh, seervih já siärvuseh fäälih. Tun puávtáh uuccâđ palvâlusâst kuhheebáigásii čonnâsume vättee tâi ohtii tábáhtuvvee pargoid. Tun kaavnah tiäđu meiddei škovliittâsâin, moh lohtâseh rijjâtátulii toimâmân.
Viärdásâštoorjâ
Viärdásâštoorjâ lii feeriimij jyehim nube ulmuin, kote lii feerim siämmáá. Viärdásâštoorjâ uáivild eellimfeerimtiätun vuáđuduvvee torjuu, mon tergâdumos uásih láá muštâlem já kuldâlem.
Ko olmooš puáccáá, suu já suu aldaulmui tiäđu tárbu lii styeres. Tipšoo pele já kirjálâšvuođâ lasseen tiäđu uážžu tain ulmuin, kiäh láá feerim siämmáá. Sij pyehtih muštâliđ jieijâs feeriimijd tast, maht puácuvuođâst ciävzá tâi maht tain iälá.
Pyeccei lii tehálâš kuullâđ, maid diagnoos uáivild keevâtlávt já maht tot vaaikut jyehipiäiválii elimân. Lasseen eidu puáccám ulmuu já suu aldaulmuid helppee, ko sij pyehtih savâstâllâđ jieijâs feeriimijn.
Tot helppee, ko juáhá feeriimijdis tagaráin ulmuin, kote tuođâi ibbeerd. Puáccám olmooš puáhtá šeštiđ aldaulmuidis ige muštâl sijjân puoh huolâidis. Viärdásâštuárjoo lii mudágávt kukken, já tondiet suin lii älkkeb sárnuđ.
Ohtâsâš feeriimij jyehim addel jieŋŋâlis tobdo tast, ete kiinii ibbeerd suu. Juohhum feerim lii merhâšittee feerim.
Luuvâ lase viärdásâštorjust Tiervâsvuotâsiijdâ Viärdásâštáálust
Luuvâ lase rijjâtátulii toimâmist já viärdásâštorjust Laapi kuávdášpyecceiviäsust: OLKA Lappi
Eellimfeerimtoimâm puáhtá ässee uáinu uáinusân
Eellimfeerimtoimâmist feeriimijn puáttám ibárdâs já tiätu annoo ävkkin eres ulmui iššeedmist, tuárjumist já sii išedem- já mättimvaalmâšvuođâi lasseetmist.
Eellimfeerimtoimâm ulmen lii adeliđ ibárdâs já jieŋâlmittiđ áámmátulmui mättim sehe vaikuttiđ palvâlussáid. Tieđâlii tiäđu kuorân puáhtoo feerimtiätu, mii vuáđuduvá feeriimáid ovdâmerkkân tast, maht ciävzá puácuvuođâ tâi váádu tovâttem aargâ hástusijn tâi hästee eellimtiileest. Tiätu iššeed tubdâđ äššigâsâi táárbuid ain pyerebeht. Eellimfeerimtiäđu pyehtih anneeđ ävkkin palvâlusâi vuáváámist, árvuštâlmist sehe oovdedmist já lasseen máttáátmist.
Eellimfeerimtiätu, maid ässeeh, ornijdumeh já servikodeh láá pyevtittâm, annoo ävkkin pyereestvaijeemkuávlu tooimâ joođeetmist, vuáváámist, olášutmist, čuávumist já árvuštâlmist.
Ornijduumijn já servikuudijn pyehtih čuággiđ tiäđu ovdâmerkkân koijâdâlmijgijn já teivâmijgijn. Ornijdumeh já servikodeh pyehtih uásálistiđ meiddei oovtâstoovdedmân.
Mij anneep ävkkin eellimfeerimtuáimei já ovdedeijeeäššigâsâi mättim palvâlusâi oovdedmist.