Ruttâ- já digispellâm
Ruttâ- já digispellâm
Ruttâspelâmáin uáivildeh ruuđáin spellâm. Ovdâmerkkân nettipookeer, šlanttispeelah, kasinospeelah, lotto já vyerbih láá ruttâspeelah. Ruttâspellâm lii Suomâst kieldum vuálá 18-ihásijn. Digispelâmáin uáivildeh netti- já konsolspeelâi spellâm.
Ruttâ- já digispellâm puáhtá leđe suotâs äigiääji aargâst. Spellâm puáhtá kuittâg šoddâđ čuolmân já ovdániđ sorjolâšvuottân. Ruttâ- já digispellâm čuolmâ puáhtá tubdâđ tast, ko spellâm álgá väldiđ ääigi já energia eres aašijn. Spellâm puáhtá älgiđ ovdâmerkkân häittidiđ pirrâmpeiviriitmâ sehe uápuid tâi pargoid.
Eres meerhah ruttâ- já digispellâm čuolmâst láá távjá ovdâmerkkân vaigâdvuođah joskâđ spelâmist, spellâm peittim tâi tast kielestem sehe ruttâ- já digispelâmân lohtâseijee riijđoh aldaulmuigijn. Ruttâ- tâi digispellâm puáhtá tovâttiđ meiddei heeppâd já sujâlâšvuođâ, moh láá meiddei meerhah spellâm čuolmâst. Ruttâspellâm čuolmâ uáinoo távjá meiddei ruttâtuálulâš hástusin. Ruttâspellâm ruttâdem várás puáhtá spellee ovdâmerkkân väldiđ loovnâ aldaulmuin tâi huáppulovnijd, vâi spellâm luhostuuččij.
Jis tun tâi tuu aldaolmooš taarbâšvettee torjuu, iše kannat uuccâđ ääigild. Háitulii spelâmân já spellâsorjolâšvuotân uážžu iše Laapi pyereestvaijeemkuávlu sosiaal- já tiervâsvuotâpalvâlusâin. Lasseen fáállun láá jieškote-uvláváneh viärdásâšjuávhuh, ornijduumij toorjâhäämih sehe jiešišepalvâlusah, main lii máhđulâš uážžuđ torjuu spellâm joskâm várás.
Lah-uv tun huolâstum ruttâspelâmist? Tun puávtáh toohâđ iskos jieijâd ruttâspelâmist tääbbin:
Toovâ iskos, ete speelah-uv tun liijkás | Peluuri
Toovâ iskos jieijâd videospelâmist | Peluuri
Jiešišetyejipiergâseh já iskoseh - Pelituki (Spellâtoorjâ)
Iše já toorjâ
Peluuri išedeijee puhelin já chat
Nomâttes spelleeh viärdásâštoorjâ spelleid
Pelirajaton viärdásâštoorjâ spelleid
Laapi pyereestvaijeemkuávlu palvâlusah
Jieštipšomohjelmeh