Njäälmist päniuážžikuddum já kiddimkođospuácuvuotâ?

Pyeremus já pehtilumos päniuážžikuddum tipšomvyehi lii merikoskâsâš paanij poossâm já pänikooskâi putestem. Päniuážžikuddum šadda, ko päniuážžirááján páácá tuolvâ, ađai bakteerplakkâ. Jis bakteerplaakâ ij poosâ päniaaseest meddâl, tot kara pänikeđgin, maid ij jieš uážu meddâl päniaaseest. 

Kuddum päniuážži lii ruopsâd já puttânâm. Päniuážžikuddum tun tuubdah meiddei vardemist, ovdâmerkkân ko tun poosah paanijd tâi putestah pänikooskâid. Tuáimee já kiärdulâš jieštipšom lii päniuážžikuddum tergâdumos tipšomvyehi.

Jis päniuážžikuddum ij tipšo, tot puáhtá ovdániđ paradontiittin, ađai pääni kiddimkođospuácuvuottân. Parodontiit lii njäälmi kuddumpuácuvuotâ, mon tovâtteh bakteereh. Ko parodontiit ovdán, kuddum juátkoo. Talle pääni puáhtá älgiđ hiäiluđ, likkâđ já loopâst luovâniđ. Tergâdumos tipšo lii paanij huolâlii jieštipšomân čonnâsem, njäälmi putestem, mon njälmihygienist já/tâi pänituáhtár parga já tastmaŋa merikoskâsâš paijeentoollâmtipšo tipšomvuávám miäldásávt.

Laapi pyereestvaijeemkuávlu palvâlusah

Jieštipšomohjelmeh

 Parodontiit Pyeri tipšo -avžuuttâs