Toimâm luándust

Juáhháá vuoigâdvuođah já meccijotteemetiket stivrejeh tuu toimâđ luándust. Juáhháá vuoigâdvuođáin uáivildeh vuoigâdvuođâ orroođ luándust huolâhánnáá tast, kii oomâst eennâm. Juáhháá vuoigâdvuođah miäruštâleh, maid tun puávtáh luándust orodijnâd toohâđ já mii lii kieldum. Meccijotteemetiket vuod stivree tuu jotteeđ luándust ovdâsvástádâslávt já luándu kunnijâtmáin. 

Jo aldaluándust viettum puudah lasetteh tuu pyereestvaijeem. Jis tun kuittâg ááiguh vyelgiđ kuhheeb meccimookán, te pyereest vuávájum lii pellduvváid tohhum -njuolgâdâs tuálá tiäivás meiddei meccijotemist. Ko tun vuávááh pyereest, tun visásmitáh meccijotteemfeerim, mii lii luhostum já mielâmield.  

Ohtâ uási luhostum meccimohheest lii torvolâšvuotân vaikutteijee tahhei munedem sehe riiskâi velttim. Ko vuáváá meccimohe, kalga väldiđ huámmášumán puoh mookán vyelgei ave, tiervâsvuođâ já iälšutääsi sehe meccijotteemtááiđuid já heiviittiđ mohe ton miäldásâžžân. Tehálâš lii meiddei, ete tun almottah aldaulmuid, kuus tun lah meccimohheest áigumin. 

Lasetiätu meccimohe vuáváámist já torvolâšvuođâst:

Pirâsministeriö: Juáhháá vuoigâdvuođah

Luontoon.fi: Meccijotteemetiket

Suomâ lättee: Návt tun vuávááh meccimohe - Suomen Latu  

Suomâ lättee: Lävkki ain häävild – vuáváá luhostum meccimohe – Retkipaikka  

Meccihaldâttâs: Meccijotteem torvolâšvuotâ - Meccijotteemoonah - Luándun 

Kieldâi falâldâh

Ornijduumij falâldâh

Laapi pyereestvaijeemkuávlu palvâlusah

Jieštipšomohjelmeh

Tiervâpuáttim Pyereestvaijeem luándust -ohjelmân! | Mielenterveystalo.fi