Toorjâ pargonaavcâi oovdedmân

Pargoadeleijee pargon lii jođettiđ pargonaavcâi ovdedem. Pargoadeleijee västid tast, ete pargosaajeest láá sooppâm pargonaavcâi tuárjum toimâmvuáháduvâid pargeigijn já pargotiervâsvuotâhuolâttâsâin. Ovdâulmuu pargon lii aicâdiđ, čuávvuđ já tubdâđ, maht pargo vaaikut pargei pyereestvajemân, torvolâšvuotân já pargonavccáid. Táárbu mield ovdâolmooš savâstâl ääšist pargein. 

Pargen tust lii vuosâsajasâš ovdâsvástádâs jieijâd tiervâsvuođâ, pyereestvaijeem já pargonaavcâi oovdedmist. Pargotorvolâšvuođâ já pargopyereestvaijeem toorjân tust lii kenigâsvuotâ kuorrâđ pargoadeleijee miärádâsâid já ravvuid sehe soppum vuáválâšvuođâid. Táárbu mield vääldi ohtâvuođâ pargoadeleijei, ovdâulmui já pargotiervâsvuotâhuolâttâsân pargonavccáid lahtojeijee aašijn. 

Pargotiervâsvuotâhuolâttâs lii pargonaavcâi äššitobdee, mon pargoid kulá pargee pargonaavcâi tuárjum já čuávvum sehe pargoadeleijee já ovdâulmui tuárjum já stivrim pargonahcâaašijn. Pargovievâ ovdâsteijen pargosuojâlemváldáliih já luáttámušulmuuh uásálisteh pargee táttum vuáđuld suu pargotile čielgâdmân já pargonaavcâi tuárjumân

Jis tun lah pargoeellim ulguubeln, tun puávtáh ucâluđ pargottes ulmui tiervâsvuotâtäärhistmân. Pargottes ulmui tiervâsvuotâtärhistem ulmen lii ovdediđ tiervâsvuođâ já pyereestvaijeem, karttiđ tááláá pargo- já toimâmnaavcâid sehe stivriđ taarbâšlijd jotkâpalvâlussáid. Tärhistem taha táválávt tiervâsvuođâtipšoo, táárbu mield tuáhtár. Tärhistem, mon taha tiervâsvuođâtipšoo, lii tunjin mávsuttem. Máhđulijn jotkâtutkâmušâin peerih vyeimist orroo haddelisto miäldásávt. Tiervâsvuotâtäärhistmist pieijih konkreetlijd mittomeerijd, moh vuáđuduveh ulmuu jieijâs tárboid. Táárbu mield tärhistem ohtâvuođâst ráhtoo vuávám tiervâsvuođâ já pargonaavcâi tuárjum várás maaŋgâ syergi oovtâstpargoost.

Luuvâ lase pargonahcâtorjust Pargotiervâsvuotâlájádâs www-siijđoin:

Pargonaavcâi toorjâ

Työhön paluun tuki

Laapi pyereestvaijeemkuávlu palvâlusah

Jieštipšomohjelmeh