Uáivádâsah, sorjolâšvuođah já pyereestvaijeem

Uáivádâsâi kevttimáin uáivildeh alkohol, tubbáák- já nikotinpuohtui, narkotiikâi já uáivádumtárguttâssáin valdum talkkâsij kevttim sehe maaŋgâuáivádâskevttim. Sorjolâšvuotâ puáhtá šoddâđ uáivádâsâi kevttimân tâi tiätu tooimân, tegu spelâmân tâi sosiaallii media kevttimân. Sorjolâšvuođâst vuoiŋâšeh hárjáneh uážžuđ pyere mielâ tiätu ääšist já väätih tom ain eenâb. 

Uáivádâsâi kevttim já sorjolâšvuođah láá háituliih tuu tiervâsvuotân já pyereestvajemân já pyehtih skaađiđ tuu aargâ maaŋgâ náálá. Toh pyehtih kepidiđ tuu perustume liihâdmân já äigiájánâssáid, njeidiđ tuu pargo- já oppâmnaavcâid sehe hettiđ nahhaar. Jo uccâ uáivádâsâi kevttim mereh pyehtih vaikuttiđ tuu mielâtilán já tovâttiđ atâštâs, jierestume já naverttesvuođâ. Jieijâd pyereestvaijeem lasseen uáivádâsah já sorjolâšvuođah pyehtih vaikuttiđ tuu aldaulmui pyereestvajemân, tuu aldaaš olmooškoskâvuođáid já tuu ruttâtuálun. Uáivádâsah lasetteh meiddei maaŋgâ jieškote-uvláván puácuvuođâ riiskâ, tegu purâstaavdâi sehe vuoiŋâmorgaanij já vorrâjotteemorgaanvuáháduv puácuvuođâi riiskâ. Lasseen uáivádâsâi kevttim toovvât täpituurmijd já torvottemesvuođâ. 

Lii tergâd, ete tun tuubdah uáivádâsâi já sorjolâšvuođâi vaikuttâsâid jieijâd pyereestvajemân já uusah iše. Ko uáivádâsâi kevttim já sorjolâšvuođah puátkejuvvojeh tuárvi aarrâd, puáhtá tile viäránem já háittuvaikuttâsâid estiđ. Jieštipšomohjelmijgijn tun puávtáh árvuštâllâđ jieijâd uáivádâsâi kevttim sehe spellâm, já finniđ konkreetlijd ravvuid keeppidmân já joskâmân. Jieštipšomohjelmeh suápih tiilijd, main eidusâš čuolmâ ij lah vala šoddâm tâi tot ij lah ovdánâm lusis táásán.  Tun kaavnah jieštipšomohjelmijd jieškote-uv vyelisijđoost. 

Lasetiätu já toorjâ

Uáivádâsliŋkkâ  

Uáivádâsravvim, puh. 0800 900 45

Seevvist-Chat (12-29-ihásijd nuoráid)

EHYT ry - Päihdeasiamies

Laapi pyereestvaijeemkuávlu palvâlusah

Jieštipšomohjelmeh

Mainâsišedem jiešiševideoh