Viehâvääldi uhke aargâst
Viehâvääldi uhke aargâst
Viehâvaldijn uáivildeh taggaar toimâm, moin tátulis luávkkáá, áštá tâi povčâgit nube ulmuu. Lii tehálâš mušteđ, ete puoh viehâväldi lii puástud. Viehâväldi puáhtá šoddâđ aaibâs alda ulmui koskâvuođâi já aargâ uássin. Viehâväldi läävee muttuđ tuođâlubbon já tot ucceed máhđulâšvuođâid torvolâšvuođâ feeriimân. Tileh já feeriimeh, moh lohtâseh viehâvááldán, pyehtih leđe uáli jieškote-uvláváneh já mulsâšuddâđ ulmust nuubán. Jis tun tuubdah jieijâd aargâst maggaargin viehâvääldi tâi ton uhke, koijâd já vääldi vuástá iše.
Lii tergâd, ete rävisulmuuh kiddejeh huámmášume já puátkejeh nuuvt aarrâd ko máhđulâš meiddei viehâvääldi, mii čuáccá parnijd já nuoráid. Viehâväldi puáhtá oinuđ maaŋgâ náálá; tot puáhtá leđe ruumâšlâš, tegu vuoptâin puštem tâi mielâlâš, tegu päärni oovtmanolâš uccááttem tâi luávkkájeijee sárnum. Párnážân čyeccee viehâvaldijn uáivildeh meiddei tom, ete ij ane huolâ päärnist.
Távjá puáhtá leđe vaigâd tubdâđ viehâvääldi. Viehâväldi lii maaŋgâláván já tot puáhtá čyecciđ sehe parnijd, rävisulmuid ete vuorâsáid. Viehâväldi puáhtá leđe ovdâmerkkân fyysilâš, mielâlâš, ruttâtuálulâš tâi digitaallâš.
Luuvâ lase viehâvääldi jieškote-uv haamijn:
Luuvâ lase tast, maht viehâvääldi uhke puáhtá vaikuttiđ aargân
Aggressio & viehâväldi | Mielenterveystalo.fi
Parnijd čyeccee viehâväldi | Mielenterveystalo.fi
Älkkeht juksâmnáál orroo toorjâ viehâvääldi feerejeijei já aldaulmui sehe sunjin, kote kiävttá viehâvääldi:
Iše já palvâlusah sunjin, kote lii feerim viehâvääldi já sunjin, kote lii kiävttám viehâvääldi - TPL
Laapi pyereestvaijeemkuávlu palvâlusah
Jieštipšomohjelmeh