Ravvuuh káidusvuástáväldimân já -teivâdmân OmaVirtust
Ravvuuh káidusvuástáväldimân já -teivâdmân OmaVirtust
Mij olášuttep sosiaal- já tiervâsvuotâpalvâlusâid meiddei neetist káidusohtâvuođâ peht.
Taan ravvust mij muštâlep, maht tun puávtáh uásálistiđ káidusteivâdmân áámmátulmuin. Tun puávtáh luuhâđ ravvuu anarâškielân tâi keččâđ ravvuid káidusvuástáväldimist já káidusteivâdmist suomâkielân čielgâkielâlii videost, mii lii siijđo loopâst.
Káidusteivâdmeh OmaVirtu peht
- Mij olášuttep káidusteivâdmijd OmaVirtu peht. OmaVirtu lii nettipalvâlus Laapi pyereestvaijeemkuávlu äššigâssáid.
Maht tun ráhtádâđah káidusteivâdmân?
- Pyereestvaijeemkuávlu áámmátolmooš väärrid tunjin ääigi káidusteivâdmân.
- Tun finniih tekstâsavváin nanodâs väridum ääigist já káidusteivâdem fáádást.
- Jis tun tarbâšah tuulhâ, mušte muštâliđ ääšist talle, ko káidusteivâdem väriduvvoo. Áámmátolmooš tiiláá tunjin tuulhâ.
Tun tarbâšah ruustig já internet-ohtâvuođâ
- Káidusteivâdmist tun puávtáh kevttiđ tiättur, tablettiättur tâi fiättupuhelin.
- Rustigist kalga leđe kamera, mikrofon sehe škaajân tâi piäljáseh.
- Tun tarbâšah meiddei internet-ohtâvuođâ.
Káidusteivâdmist tun puávtáh kevttiđ tiättur tâi fiätturuustig
- Jis tun kiävtáh káidusteivâdmist tiättur, tun jieh taarbâš luođiđ Microsoft Teams-ohjelm jieijâd tiäturân. Tun jieh meid taarbâš registeristiđ tâi čáládâttâđ siisâ ohjelmân.
- Teams-ohjelm kevttim várás tun tarbâšah Google Chrome- tâi Microsoft Edge- internetlaađđâm.
- Jis tun kiävtáh káidusteivâdmist fiättupuhelin tâi tablettiättur, tun koolgah luođiđ Microsoft Teams-heiviittâs jieijâd rustigân.
- Leehâ jieijâd rustigist heiviittâskäävpi, mii lii jo-uv Play Kävppi tâi App Store. Luođii heiviittâskäävpist Microsoft Teams-heiviittâs jieijâd rustigân.
- Luođim maŋa tun puávtáh kiddiđ heiviittâs. Tun jieh taarbâš registeristiđ tâi čáládâttâđ siisâ Microsoft Teams-heiviittâsân.
Visásmit čuovâid já kullum
- Uásálist káidusteivâdmân taggaar visteest, kost ij lah paijeelmiärálâš ruojâ. Jis lii tárbu, keevti piäljásijd.
- Visásmit, ete visteest láá pyereh čuovah, vâi videokove uáinoo.
Luođii tiätuvuárháid valmâšin
- Káidusteivâdem ääigi tun puávtáh čäittiđ áámmátulmuid äššikiirjijd tâi eres tiätu-vuárháid. Taah pyehtih leđe ovdâmerkkân virgeomâhâšmiärádâsah tâi -ciälkkámušah.
- Luođii tiätuvuárháid valmâšin ovdil teivâdem ton rustigân, maid tun kiävtáh. Tiätuvuárhái jyehim tábáhtuvá ruvdujyehim peht. Áámmátolmooš rävvee, ete maht tun juáváh jieijâd ruustig ruuvdu.
Maht tun uásálistáh káidusteivâdmân?
1. Čáládât siisâ OmaVirtun ovdil káidusteivâdem. Tubdâttât OmaVirtu-nettipalvâlusân nettipaŋkkitubdâl-duvâigijn, moobiilnannejeijein tâi nannejeijeekorttáin.
2. Jis tun kiävtáh tiättur, tun kaavnah tunjin väridum káidusteivâdmijd OmaVirtu ovdâsiijđost pajeroobdâ valjiittuvâst.
3. Jis tun kiävtáh tablettiättur tâi fiättupuhelin, tun kaavnah tunjin väridum káidusteivâdmijd OmaVirtu ovdâsiijđost čižet pajeroobdâ valjiittuvâst.
4. Leehâ káidusteivâdem Teams-liiŋkâ vittâ miinut ovdil teivâdem älgim.
5. Visásmit, ete kamera já mikrofon toimâv.
6. Čääli jieijâd ovdânoomâ já teddil Seervâ čuákkimân kyessin -puálu.
7. Servâm maŋa tun sirdâšuuh vyerdimsajan. Vyerdi ráávhust, ete sosiaal- já tiervâsvuotâsyergi áámmátolmooš siärvá video-ohtâvuođáin fáárun káidusteivâdmân.
Valjii pajevaljiittuvâst saje Káidusteivâdmeh
- Tubdâttâttâm maŋa tun sirdâšuuh OmaVirtu-nettipalvâlusân.
- Valjii pajevaljiittuvâst saje Káidusteivâdmeh, kost tun sirdâšuuh Káidusteivâdmeh-siijđon.
Káidusteivâdmeh-siijđost uáináh tunjin väridum aaigijd
- OmaVirtu Káidusteivâdmeh -siijđost tun uáináh tunjin väridum káidusteivâdmijd.
- Káidusteivâdmist mij kevttip tiätutorvolii Microsoft Teams-ohjelm. Káidusohtâvuotâ lii syeijejum já lyetitteijee. Kove já jienâ iä vuorkkii.
Maht tun kiävtáh Savâstâllâm-kiedi?
- Káidusteivâdmist tun puávtáh čäälliđ Teams-ohjelm Savâstâllâm-kiädán, kost áámmátolmooš uáiná tuu teevstâ.
- Tiätusyeje tiet Savâstâllâm-kiädán ij uážu čäälliđ persovntiäđuid, ovdâmerkkân persovntubdâlduv. Káidusteivâdem maŋa Savâstâllâm-kiädán čallum teevstah láppojeh.
- Tun puávtáh čäälliđ Savâstâllâm-kiädán, jis tust lii mottoom čuolmâ káidusohtâvuođâst. Jis čuolmâ iä pyevti tivvoođ viiđâ minuttist, áámmátolmooš suáittá tunjin puhelimáin.
- Áámmátolmooš puáhtá vuolgâttiđ tunjin káidusteivâdem ääigi liiŋkâid já ravvuid Savâstâllâm-kiädán. Mušte lekkâđ liiŋkâid já raavâtiätuvuárháid jo teivâdem ääigi. Káidusteivâdem maŋa tun puávtáh ráávhust uápásmiđ tooid.
Káidusvuástáväldim já káidusteivâdem - čielgâkielâlâš raavâ
Tun puávtáh keččâđ ravvuid káidusvuástáväldimist já káidusteivâdmist čielgâkielâlii videost, mii lii taa vyelni.
Macâttâs
Muštâl, kavnih-uv tun ravvuin iše. Teddil puáluid, moh láá taa vyelni. Puálu teddilem maŋa tun puávtáh čäälliđ macâttâs tâi muštâliđ, mon eres áášán tun tuáivuččih ravvuid.
