Sämikielâi tulkkum palvâlusâin

Säämi kielâlaavâ mield sämikielâlii palvâlus viggeh orniđ vuosâsaajeest nuuvt, ete stivrejeh äššigâs sämikielâlij pargee luus. Jis sämikielâlâš palvâlus ij lah finniimist, fäälih muulsâiähtun tulkkumpalvâlus.

Tulkkum orniimist lii pyeri sooppâđ jo äigiväridem ohtâvuođâst, te ama mainâšah tulkkumtáárbust, ko väridah ääigi mii palvâlussáid. Mii pargoviehâ ana huolâ tulkkum orniimist tom sämikielân, mon tun sáárnuh. Tulkkum pyehtih orniđ tile mield káidusohtâvuođáin tâi pääihi alne. Tulkkum lii äššigâsân mávsuttem.

Laapi pyereestvaijeemkuávlu kiävttá tulkkân vuosâsaajeest jieijâs kielâpargeid. Ulmen lii, ete äššigâsâst lii siämmáš tulkkâ kiävtust oles ášástâllâm ääigi.

Sämisiärvádâh lii ucce, já motomin iävtuttum tulkkâ sáttá leđe iästulâš. Äššigâsân muštâleh tuulhâ noomâ ovdâkietân, vâi sun puáhtá árvuštâllâđ, puáhtá-uv tulkkâ hoittáđ suu ääši.