Tiäđu-uážžumvuoigâdvuođah

Puástu tiäđuh

Äššigâs- já pyecceeregister tiäđuh kalgeh leđe feilâttemeh já ulmemiäldásiih.  Jis äššikiirjijn láá äššigâs tâi pyeccee mielâst puástu tâi kevttimulme tááhust tušes tiäđuh, sun puáhtá toohâđ vuoigimvátámâš. Tivvoomnáál, tievâsmittemnáál tâi meddâlistemnáál tiäđuid kalga sierriđ nuuvt tárkká ko máhđulâš.

Tivvoompivduu puáhtá toohâđ toos uáivildum šleđgâlijn luámáttuvváin, printtimnáál pdf-luámáttuvváin tâi rijjâhámásijn pivduin, mii siskeeld siämmáid tiäđuid.

Jis tivvoomvátámâšân iä mieđâ, miärádâsâst adeluvvoo register ovdâsvástádâsulmuu vuáláčäällim tuođâštâs.

Äššigâs- já pyecceetiäđui kevttim kocceem

Äššigâs- já pyecceetiäđui kevttim koccoo lokitiäđui iššijn. Äššigâsâst já pyeccest lii vuoigâdvuotâ uážžuđ tiäđu tast, kii lii kiävttám tâi kiäs láá luovâttum sunjin kyeskee tiäđuh sehe mii lii lamaš kevttim tâi luovâttem aggâ.

Lokitiäđuh iä luovâttuu talle, jis lokitiäđui luovâtteijee tiäđust lii, ete tiäđui adelem sátáččij tovâttiđ tuođâlii vaarâ äššigâs tiervâsvuotân tâi tipšomân teikâ kiännii iärrás vuoigâdvuođáid. Kyehti ive puárásub lokitiäđuh adeluvvojeh tuše agâstâllum suujâst.

Lokitiäđui tärhistemvuoigâdvuotâ lii persovnlâš. Tiilijn, main olesahasâš äššigâs tâi pyeccee ij áppád jieš meridiđ palvâlusâstis tâi tipšostis, aldaomâhái tâi lavâlii ovdâsteijee vuoigâdvuotâ tärhistiđ äššigâs- já pyecceeregister lokitiäđuid suogârdâlloo tábáhtus mield. 

Jis vyeliahasâš äššigâs tâi pyeccee avvees já otânâššâmtääsis iähtun áppád meridiđ tipšostis, sust lii vuoigâdvuotâ kieldiđ tiervâsvuođâtilásis já tipšosis kyeskee tiäđui adelem jieijâs aitârdeijei tâi eres lavâlâš ovdâsteijei. Párnáá aitârdeijest ij tondiet lah automaatlávt vuoigâdvuotâ uážžuđ vyeliahasii päärnis palvâlusâi kevttimân kyeskee lokitiäđuid.

Lokitiäđuid puáhtá pivdeđ toos uáivildum šleđgâlijn luámáttuvváin tâi printtimnáál pdf-luámáttuvváin.

Vyeliahasii pyecceetiäđuh

Vyeliahasii pyeccee tiäđuid puáhtá luovâttiđ suu aitârdeijei. Jis vyeliahasâš áppád meridiđ tipšostis, sust lii vuoigâdvuotâ kieldiđ tiäđui adelem jieijâs aitârdeijei tâi eres lavâlâš ovdâsteijei. Tuáhtár tâi eres tiervâsvuođâhuolâttâs áámmátulmuuh árvuštellih tipšomkoččâmušâin párnáá tâi nuorâ otânâššâmtääsi.

Omâhái vuoigâdvuotâ uážžuđ tiäđuid

Pyeccei kyeskee tiäđuid puáhtá adeliđ válduášálávt tuše pyeccee mietâmáin. Jis pyeccee miettâm ij lah máhđulâš uážžuđ ovdâmerkkân suu puácuvuođâ já tile tiet, pyecceetiäđuid puáhtá adeliđ aldaomâháid, jis ij lah suijâ jurdeđ, ete pyeccee kiäldáččij tiäđui adelem.

Aldaomâhááh láá naaijâmkyeimi, párnááh, vanhimeh já uábih já viiljah. Pyeccee omâháid ličij tuáivuttettee sooppâđ koskânis tast, kii koijâdâl pyeccee vajo tâi pááikán peessâm pirrâ já muštâl tarbâšlijd tiäđuid eres omâháid.

Jämmee pyecceetiäđuh

Pyecceetiäđuh láá syeligâssân tolâttetteeh meiddei pyeccee jäämmim maŋa. Jämmee pyecceetiäđuid puáhtá luovâttiđ tuše tommit ko toh láá velttidmettumeh taid pivdee ulmuu tehálij hiäđui tâi vuoigâdvuođâi čielgâdem tâi olášuttem várás.

Vuoigâdvuođâ kalga uuccâđ čálálávt ton tiervâsvuođâhuolâttâs toimâohtâduvâst, kost jämmee lii lamaš tipšomnáál. Ucâmušâst kalga ain mainâšiđ tiäđui kevttimulme. Luovâttem uážžoo ij uážu kevttiđ tiäđuid monnân eres uulmán.

Jämmee tiäđuid puáhtá pivdeđ toos uáivildum šleđgâlijn luámáttuvváin tâi printtimnáál pdf-luámáttuvváin.