Arkeen Voimaa
Aʹrǧǧe Viõǥǥ – jiõččhååid kurss
Päivitys 11.11.2025: Kursseille ei voi enää ilmoittautua. Tulossa on vielä tapaamiset: Tornio /Taukotupa klo 13.30-16 keskiviikkoisin 12.11., 19.11. ja 26.11.
Aʹrǧǧe Viõǥǥ -kuursâst ǩiõttʼtõõlak pueʹrrvââjjmõʹšše õhttneei teeʹmaid da mättʼtõõđak jiõččhååid tuâjjneävvaid. Vuäitak vuässõõttâd kuursid, jõs tuʹst lij õhtt leʹbe liâ jäänab aarǥ vaʹǯǯtõõzz leʹbe miõllad ǩeäss pueʹreed pueʹrrvââjjmõõžžad. Aarǥ vaʹǯǯtõs vuäitt leeʹd mii täättas jiõčč tobddâm äʹšš, kååʹtt põhtt aʹrǧǧe vaʹǯǯtõõzzid mâta ouddmiârkkân õhttuåårramtåbdd, tuâjteʹmesvuõtt, jiijjad leʹbe âʹlddoummu kuʹǩesäiggsažpuõccmõš, hueʹnes poorrâmoodd, pääiʹǩ âʹlnn åårrmõš leʹbe tâppjumeeʹjj.
Kurss âânn seʹst kutt (6) vuõinnlõõttmõõžž jooukin, õõutvuâra neäʹttlest kuuđ (6) neäʹttel ääiʹj. Õhtt kurssvuârr peštt 2,5 čiâss da âânn seʹst 20 minuutt kõõut.
Kuursid viiǥǥât čõõđ vuõinnlõõttâmnallšem joukkân da ougglõsjoukkân. Ougglõsjoukk noorââtt Teams-prograamm pääiʹǩ. Kuursid vääʹldet 8-14 vuässõõđi. Kuurs ohjjeeʹjen tåimma kueʹhtt Aʹrǧǧe Viõǥǥ -joukkohjjeei. Pukid kuursâst älšmam oummuid mainstââʹttet teʹlfoonin ooudbeäʹlnn joouk älggmõõžž.
Kuurs ääiǥas vuäǯǯak laiʹnnʼjed Aʹrǧǧe Viõǥǥ - uuʹcces laauʹǩin njueʹbǯǯlab aarǥ årra -ǩeeʹrj. Vuäitak laiʹnnʼjed ǩeeʹrj še ǩeʹrjjpõõrtâst da jieʹlled čõõđ kurss-siiskõõzz jiõččinad ǩeeʹrj veäkka.
Ǩeäzz joukk lij jurddum?
Vuäitak vuässõõttâd Aʹrǧǧe Viõǥǥ -kuʹrsse, jõs:
- leäk pâʹjjel 18-ekksaž
- pââstak vuässõõttâd saǥstõõllmõʹšše da seuʹrrjed saǥstõõllmõõžž lääʹddǩiõlin
- tuʹst jiâ leäkku nåkam kuull- leʹbe mošttvaiggâdvuõđ, kook câʹǧǧe saǥstõõllmõõžž ohjjeeʹji da jeeʹres kurssniiʹǩǩivuiʹm
- sieʹvvemǩiõl tulkk vuäitt pueʹtted mieʹldd kuʹrsse
- jieʹllmest jiâ leäkku ääiʹjpoddsa kriisvueʹjj
- pââstak čõnnõõttâd kurssobbvuõʹtte.
Lââʹssteâđ
Maija Vaara
050 315 1274
maija.vaara@lapha.fi
Aino Vikeväkorva
040 184 5512
aino.vikevakorva@lapha.fi
Satu Seppälä
040 675 9270
satu.seppala@lapha.fi
Maija Rahko
040 525 5296
maija.rahko@lapha.fi
Lââʹssteâđ, VASA-haʹŋǩǩõs
Linda Jaako,
Projeʹkttjååʹđteeʹjj, tiõrvâsvuõttkääzzkõõzz da hytetu-kääzzkõskonseʹptt
040 849 6297
linda.jaako@poske.fi
VASA 2 - Vahva sote Lapin hyvinvointialueelle -haʹŋǩǩõs
Aʹrǧǧe Viõǥǥ - uuʹcces laauʹǩin njueʹbǯǯlab aarǥ årra -ǩeeʹrj. (2022)
Ǩeeʹrj jorddmõššân lij uʹvdded teâđaid da vueʹjj tuâjjneävvaid, kooi veäkka lij vueiʹtlvaž tuejjeed muttsid da pueʹreed jiijjâz arggpiʹrǧǧummuš aarǥ vaʹǯǯtõõzzin huõlǩani. Ǩeeʹrjest liâ jiânnai hiâlpâs vueʹjj viiŋkid, mäʹhtt ohjjeed levvjummuž, čuâccmõõžž, šååkk tobddmõõžž, vueʹđđemčuõlmid da miõl luâšttmõõžž. Ǩeʹrjj tåimm še jiõččines lookkâmǩeʹrjjen, håʹt-i jiõčč jiõk vuässõõđči jouʹǩǩe.
Ǩeeʹrj vuäitak laiʹnnʼjed jiijjad kååʹdd ǩeʹrjjpõõrtâst da Saavutettavuuskirjasto Celiast jiõnǩeʹrjjen.