Jälstempirrõõzz tuõrvvʼvvuõtt
Jälstempirrõõzz tuõrvvʼvvuõtt
Joba kueʹhtt kooumâst pååʹmhest šâʹdde jiijjad põõrtâst leʹbe âsttääiʹj poodd. Vuäitak ǩiččlõõttâd ooudbeäʹlnn cõggâd paaʹrtid da pååʹmhid ââʹneeʹl huõl håʹt mâka pueʹllemtuõrvvʼvuõđâst. Pååʹmhi riiskid vuäitak uuʹcceed ǩiʹddjeeʹl vuâmmšõõzz põõrt tuõrvvʼvuõʹtte di mušttʼteeʹl äiʹǧǧ aaiʹjin miõʹlle jååttlõktuõrvvʼvuõđ vuâđđaaʹššid jiõccsad da âʹlddoummääd. Rääʹves oummu vueiʹtte saǥstõõllâd tuõrvvʼvuõđâst še õõutsââʹjest päärnaivuiʹm.
Jååttlõkuõrvvʼvuõđ vuâđđaaʹšši fiʹttjummuš da teâuddjâttmõš lij juõʹǩǩka jååttlõõǥǥâst jooʹtti vasttõõzzâst. Håʹt mâka peelǥteei da staanpuäǥǥanj âânnmõš, aautin vuejjmõʹšše čiŋlmõõvvmõš da suõjjčuõkkui lokku välddmõš liikkeen liâ vääžnai jååttlõktuõrvvʼvvuõđ ooudâsviikkmõõžžâst.
Tuõrvvʼvuõđ vuäitt ooudâsviikkâd še vaʹrrjõõđeeʹl jieʹttvuõʹjjid. Põrttväärr taarbin juuʹrdet håʹt mâka leiʹǧǧporrmõõžž, čääʹʒʒ da tarbbsid, koid seeiltet põõrtâst jieʹttvuõʹjji vääras. Näkam aarǥâst moksteei vueʹjj vueiʹtte leeʹd kroota puâccjummuš leʹbe liâdggpuåtkâlm, ǥu tâʹl kaaup peʹjje uusâs ǩidd.
Põrttväärran kaʹnnat haʹŋǩǩeed toobdâs da puârast seillai veärraaunnsid, koid lij hiâlpp valmšted da kook sueʹppe pukid piârniiʹǩǩid. Šiõǥǥ takaivuâkkõs lij vaʹrrjed põrttväärran tõn veeʹrd, što tõin piʹrǧǧad nuʹt-aa koumm suutk leʹbe 72 čiâss.
Teʹstte põrttad tuõrvvʼvuõđ da cõõgg ooudbeäʹlnn pååʹmhi šõddmõõžž:
Turvallisuustestit - Kotitapaturma.fi
Tarkista oman kotisi turvallisuus - Punainen Risti
Tobdstõõđ rääʹves oummuid da päärnaid tuejjuum videoid jååttlõktuõrvvʼvuõđâst
Liikenneturva - Välitä, muista - ennakoi