Jiijjad porrmõškõskkvuõđ taʹrǩstõõllmõš

Meeʹst juõǩǩʼkast lij måkam-ne kõskkvuõtt porrmõʹšše. Porrmõš lij persoonlaž da täujja še tåbddjid counni äʹšš. Kõskkvuõtt porrmõʹšše šâdd čõõđ jieʹllem nårrjam tobdlmin, da mij täid tobdlmid uvddmin miârktõõzzin.

Ǥu siâssâp dommjânnamlaž, taarbšep lâʹddemporrmõõžž, vuäʹsttep taʹrjjõsouddsid, uussâp muõʹrjid, jueʹǩǩep häʹrččšiâđ, ǩeâlddõõttâp kååʹffšääʹŋǧest, vaʹlljep rääʹss/šâddporrmõõžž leʹbe taʹrǩstep aaunâsvueʹssloǥstõõǥǥ, puʹhttep ouʹdde mâid-ne porrmõškõskkvuõđâst.

Porrmõškõskkvuõtt sueiʹmkrâstt aaʹššid, koid uʹvddep äärv, koozz åskkap da måkam jieʹllemvuâkkam lij. Porrmõškõskkvuõđ taʹrǩstõõllmõš vuäitt vieʹǩǩted fiʹttjed jiijjâs poorrâmjälstõõttmõõžž. Miõttlõs ja lueʹǯǯjeei kõskkvuõtt porrmõʹšše tuäʹrjj puârastvââjjmõõžž ja ouddkâstt oʹnnstummuž še poorrâmharjjnummši muttsest.

Måkam lij kõskkvuõtt porrmõʹšše?

Vueʹlnn åårrai kõõččmõõžž vieʹǩǩte jiijjad porrmõškõskkvuõđ smiõttmõõžžâst.

• Mäʹhtt päärnažpoodd põõrtâst šiõhttlõʹtteš porrmõʹšše da poorrmõʹšše?
• Mõõk šõddmõõžž leʹbe oummu liâ kõskksa jiijjad porrmõškõskkvuõđâst?
• Mäʹhtt jieʹllemvueʹjj muttâz håʹt mâka päärnažpoodd põõrtâst serddmõš, muttâz paarrkõskkvuõđâst, päärnai šõddummuž, serddmõõžž, tuâjjpääiʹǩ vaajtõõzz, puâccjummuž, tällõõzzlaž vueʹjj muttâz dno., liâ mottam kõskkvuõđad porrmõʹšše?
• Mõõk ääʹšš liâ tuʹnne vääžnai porrmõõžžâst da poorrmõõžžâst tän poodd?
• Mäʹhtt ååskak porrmõõžž vaaiktem puârastvââjjmõʹšše?
• Mâin vuâđain tuejjääk porrmõšvaʹlljummšid ouddm. porrmõškaaupâst?
• Mii tuʹnne njâdd da ij njââʹdd?
• Mâid tobddjid poorrmõš da porrmõš tuʹst cåuʹnne?  
   

Looǥǥ lââʹzz porrmõškõskkvuõđâst Čââʹđlett da Opinvoimala seiddõõzzâst:

Čââʹđleett : Tasapainoinen ruokasuhde -artikkel da Suhteeni ruokaan ja syömiseen -teʹstt

Opinvoimala: Terve ruokasuhde -seeid

Järjestöjen tarjonta

Lappi pueʹrrvââjjamvuuʹd kääzzkõõzz

Jiõččhåidd-prograamm

Terveyttä edistävä ravinto (õõlǥat ravvâz tobddeem)