Jiõččtäättlažtåimmʼmõš, verddsažtuäʹrjj da ǩiõččlâʹsttemtåimmʼmõš
Jiõččtäättlažtåimmʼmõš, verddsažtuäʹrjj da ǩiõččlâʹsttemtåimmʼmõš
Jiõččtäättlažtåimmʼmõš
Jiõččtäättliʹžžen tåimmʼmõš põhtt räämm da miârktõõzz jieʹllma. Jiõččtäättliʹžžen vuäǯǯak jiõccsad siiskõõzz jiijjad peeiʹvid, ođđ tääidaid da tobdlmid seämma poodd, ǥu taʹrjjääk nobba vueiʹtlvažvuõđ vuäǯǯad tueʹrj, vieʹǩǩ leʹbe jeäʹlstõõzzid.
Jiõččtäättlaž tåimmʼmõõžžin lij Lääʹddjânmest kuʹǩes historia, da määŋg organisaatio taʹrjjee määŋgnallšem jiõččtäättlažtåimmʼmõõžž vueiʹtlvažvuõđid. Vuäitak tåimmad jiõccsad vääžnai aaʹšši peäʹlest da vuässõõttâd tuʹnne suåppi naaʹlin jiijjad tääidai da ääiʹj seʹst.
Lähellä.fi -neʹttkääzzkõs nåårr õʹhtte organisaatioi, õhttõõzzi da õutstõõzzi taʹrjjeem jiõččtäättlažtåimmʼmõõžž vueiʹtlvažvuõđid. Vuäitak ooccâd kääzzkõõzzâst kuuʹǩǩab čõnnõõttmõõžž õõlǥteei leʹbe pååđluândlaž tuâjaid. Kaaunak teâđaid še jiõččtäättlaž tåimmʼmõʹšše õhttneei škooultõõzzin.
Verddsažtuäʹrjj
Verddsažtuäʹrjj lij tobdlmi juâkkmõš nuuʹbb seämma toobdâlm vuäinnam oummuin. Verddsažtuäʹrjj miârkat ǩiõččlâʹsttemtiõttu vuâđđõõvvi tueʹrj, koon vääžnmõs elemeeʹnt liâ mainstummuš da kuvddlummuš.
Ǥu ooumaž puâccai, suu da da suu âʹlddoummui teâđai vuäǯǯmõš kõõvâst lij jõnn. Håiddai vueʹssbeäʹl da ǩeerjlažvuõđ lââʹssen teâđ vuäǯǯ oummuin, kook vueiʹtte mainsted jiijjâz tobdlmid puõccmõõžžâst da tõʹst seʹlvvjummšest leʹbe puõccmõõžžin jieʹllmest.
Puâccjam ooumže lij vääžnai kuullâd, mâid diagnos miârkat vueʹjjest ja mäʹhtt tõt vaaikat juõʹǩǩpeivvsaž jieʹllma. Lââʹssen eman puâccjam oummu da âʹlddoummuid hiâlpat, ǥu sij vueiʹtte mainsted mâid sij liâ jõuddam vueiʹnned da tobddâd.
Lij hiâlpteei jueʹǩǩed tobdlmes nåkam oummuin, kååʹtt aainâs fiʹttai. Puâccjam ooumaž vuäitt šeäʹštted âʹlddoummeez da leeʹd mainsteǩani siʹjjid jiijjâz huõlin. Verddsažtuärjjeei lij suåppi kuʹǩǩen, da tõʹnt suʹnne lij hiâlpab mainsted.
Õhttsaž tobdlmi juâkkmõš põhtt nåkam tobddi, što fiʹttjet pueʹrben. Juõkkum ǩiõččlâsttmõš lij miârkteei ǩiõččlâsttmõš.
Looǥǥ lââʹzz verddsažtueʹrjest: Terveyskylän Vertaistalosta
Looǥǥ lââʹzz jiõččtäättlažtåimmʼmõõžžâst da verddsažtueʹrjest Lappi kruugghospitaalâst: OLKA Lappi
Ǩiõččlâʹsttemtåimmʼmõš põhtt jälsteei ǩiõččâmvueʹjj kuâsttjemnalla
Ǩiõččlâʹsttemtåimmʼmõõžžâst tõi tobdlmi puʹhttem fiʹttjummuž da teâđ äuʹǩǩeet nuuʹbbi oummui vieʹǩǩtem diõtt, tuärjjeem diõtt da sij vieʹǩǩtem- da siltteemvaalmâšvuõđi lââʹzztem diõtt.
Ǩiõččlâʹsttemtåimmʼmõõžž täävtõssân lij uʹvdded fiʹttjummuž da čiŋlmâʹtted ämmatoummui silttummuž di vaaikted kääzzkõõzzid puuteeʹl tiõđlaž teâđ paʹldde ǩiõččlâʹsttemvuâđđsa ǩiõččlâʹsttemteâđ håʹt mâka puõccmõõžž leʹbe vââʹjj šõddeem aarǥ vaʹǯǯtõõzzin leʹbe vaʹǯǯteei jieʹllemvueʹjjest seʹlvvjummšest. Teâtt vieʹǩǩat tobddeed äʹššniiʹǩǩi taarbid oouʹdab pueʹrben. Ǩiõččlâʹsttemteâđ vueiʹtet äuʹǩǩeet kääzzkõõzzi plaanummšest, arvvtõõllmõõžžâst di ooudâs viikkmõõžžâst da lââʹssen mättʼtõõzzâst.
Jälsteei oummui, organisaatioi da sieʹbrkooʹddi puuʹtʼtem ǩiõččlâʹsttemteâđ äuʹǩǩeet pueʹrrvââjjamvuuʹd tåimmjummuž jååʹđtummšest, plaanummšest, teâuddjâttmõõžžâst, vuåppmõõžžâst da arvvtõõllmõõžžâst.
Teâđ organisaatioin da sieʹbrrkååʹddest vueiʹtet noorrâd håʹt mâka kõõjjõõzzi da vuõinnlõõttmõõžži veäkka. Organisaatio da sieʹbrrkååʹdd vueiʹtte vuässõõttâd še õhttsažooudâsviikkmõʹšše.
Äuʹǩǩeep ǩiõččlâʹsttemtåimmji ja ooudâsviikkiäʹššniiʹǩǩi silttummuž kääzzkõõzzi ooudâsviikkmõõžžâst.