Liikkummuš pueʹrad puârastvââjjmõõžž

Mieʹrrkõõski liikkummuš lij puârastvââjjmõʹšše nuʹt še vääžnai ǥu riʹjttjeei nââʹer leʹbe tiõrvvsallaš porrmõš. Liikkummuž puârastvaajjâmvaaiktõõzzid smiõtteen lij vääžnai vuâmmšed, što puk fyyslaž aktiivlažvuõtt lij miʹjjid äuʹǩǩen. Vardd ij räʹtǩǩed, šâdd-a liikkummuš verkkarpihttsin urččâmpälggsest leʹbe håʹt-ba kauppreeis poodd vääʹʒʒeeʹl. Juõʹǩǩ valddum läuʹǩǩ, kuârŋŋum pueʹrdes da čueǯǯad kaggõõttmõš lij miʹjjid äuʹǩǩen.

Tuʹtǩǩeemčuäjtõs liikkummuž puârastvaajjâmvaaiktõõzzin lij raavâs. Mieʹrrkõõski liikkummšin vueiʹtet cõggâd väʹlddvueʹzz kuʹǩesäiggsažpuõccmõõžžin, mâta tyypp 2 diabeeʹttes, čââʹđ- da võrrsuõnnkõõvid, pâjjnam võrrteäddaz ja pueiʹddäärvaid, leiʹǧǧteädd, määŋgaid poorrikõpptyyppid, tuärjj- da liikkeemorgaani čuâccmõõžžid da loʹssesmiõllvuõđ. Ooudbeäʹlnn cõggmõõžž lââʹssen liikkummuš lij kõskksaž vueʹss määŋgai juʹn tuõttum puõccmõõžži jiõččhåiddmõš.

Liikkummuž puârastvaajjâmvaaiktõõzz jiâ rääʹjtõõv tåʹlǩ tiõrvâsvuõʹtte pâi mieʹrrkõskksa fyyslaž aktiivlažuõđ lij lââʹssen čuäʹjtum jeäʹrbi mieʹldd vieʹǩǩtem streeʹss vaaldšmest, oouʹdeem mättjummuž da moošt di pueʹreem ǩiõččlõsttum jieʹllemkvaliteeʹtt. Puäʹrsab oummuin liikkummuš da riʹjttjeei fyyslaž friskkvuõtt liâ kõskksa põõrtâst piʹrǧǧummuž da joorrmõõžži cõggmõõžž ǩiõččâmvueʹjjest.

Leeiǥas išttmõš, liâššmõš da jeeʹres pääiʹǩ âʹlnn åårrmõõžž liâ riskkraajji mij tiõrvâsvuõʹtte soorčǩani liikkummuž meäʹrest. Vääžnai lij še juõʹlji âʹlnn åårrad täujja peeiʹvest da kõõskted pääiʹǩ âʹlnn åårrmõõžž vueiʹtlva täujja, jo-ba peäʹl čiâss kõõskin. Hiâlpmõs nääʹll liikkummuž alttummša lij tuʹmmjõs uuʹcceed išttmõõžž.

Liikkummuž siâzztõõzzi mieʹldd tuâjjâkksai õõlǥči liikkeed 2,5 čiâss neäʹttlest virkkânji nuʹt, što liikkummuš tuejjad jåʹttlõs vuõiŋŋmõõžž da piustõõvvmõõžž. Vaʹstteei tiõrvâsvuõttääuʹǩ vueiʹtet õsttâd liikkeeʹl 75 minuutt neäʹttlest pieʹhsseei viõǥǥin. Viʹrǩǩes liikkummuž lij håʹt mâka viʹrǩǩes väʒʒmõš, tanccâmvuâjnin vuejjmõš leʹbe hääʹrvâsttmõš. Pieʹhsseei liikkummuž lij håʹt mâka čuõiggmõš, määŋg pällsiõr leʹbe äälǥai ceäkkmõš. Ǩeâllʼjemvuõttliikkummuž lââʹssen tuâjjâkksain õõlǥči spraavâd teäʹǩǩfriskkvuõđ da liikkõsvaaldâšm uuʹccmõsân kueiʹtvuâra neäʹttlest. Pääiʹǩ âʹlnn åårrmõõžž õõlǥči kõõuti mieʹldd viikkâd vueiʹtlva täujja. Jõs tuʹst liâ puõccmõõžž leʹbe oudldõõzz de liikkummuž mieʹrr da viõkk âlgg suåvted jiijjad tiõrvâsvuõʹtte suåppjen.

Looǥǥ lââʹzz jeeʹres âkksai liikkummuž siâzztõõzzin UKK-instituutt seeidain:

Vuâlla škooulâkksa: Alle kouluikäisten liikkumisen suositukset - UKK-instituutti 

7–17-âkksa: Lasten ja nuorten liikkumissuositus - UKK-instituutti 

Tuâjjâkksa: Aikuisten liikkumisen suositus - UKK-instituutti 

Yli 65-âkksa: Liikkumisen suositus yli 65-vuotiaille - UKK-instituutti 

Suåvteei liikkummuž siâzztõõzz: Soveltavat liikkumisen suositukset - UKK-instituutti 

Löydä mieleinen liikkumismuoto kotikunnastasi: 

Kuntien tarjonta

Järjestöjen tarjonta

Lappi pueʹrrvââjjamvuuʹd kääzzkõõzz

Jiõččhåidd-prograamm

Liikkumisen aloittaminen -itsehoito-ohjelma

Aloittelevan liikkujan valmennus (õõlǥat ravvâz tobddeem)