Liikkummuž/spoort tuõrvvʼvuõtt
Liikkummuž/spoort tuõrvvʼvuõtt
Liikkummšin da spoortin lij kõskksaž miârktõs puârastvââjjmõʹšše. Vuõiʹǧǧest tuejjuumnalla liikkummuš da spoort staarjõõttmõš lij staanni še tâʹl ǥu tuʹst liâ põccmõõžž leʹbe oudldõõzz. Liikkummuš juätkkmõš leʹbe alttummuš lij še pieʹǩǩ määŋgai puõccmõõžži håiddmõõžž.
Jõs toobdak jiijjad tiõrvân da tuʹst jiâ leäkku puõccmõõžž leʹbe oudldõõzz, vuäitak puârast altteed ǩeäʹppsõs leʹbe mäʹrddnalla kuârmtem liikkummuž dåhttartääʹrǩstemtaa. Liikkummuž meäʹr da viõǥǥ lij šiõǥǥ lââʹzzted siõmmnai siõmmnai, kuäʹss liikkummuš lij pâi tuõrvvsab, di še hääʹsǩab. Akuutt infektio poodd âlgg vieʹltted spoort leʹbe liikkummuž staarjõõttmõš. Infektio puuttmõõžž mâŋŋa liikkummša âlgg mäʹcced siõmmnai siõmmnai.
Jõs tuʹst liâ oudldõõzz leʹbe mii-ne vueʹlnn listtuum puõccmõš, tâʹl tuʹst lij šiõǥǥ saǥstõõllâd tiõrvâsvuõtthuâl ämmat-tuâjjlain ouddâl ǥu alttääk juõʹǩǩpeivvsaž arggtåimmjummšid loʹssääb liikkummuž:
-
čââʹđ- da võrrjååʹttemsiiskâž puõccmõš
-
diabeeʹttes
-
vuõiŋŋâmorgaan puõccmõš
-
pâjjnam võrrteäddõs (hååidǩani leʹbe hueʹnes håiddtääʹssteäddast åårrai võrrteäddõskõpp)
-
kååʹtt-ne jeeʹres aktiivlaž pââʹjest åårrai kuʹǩesäiggsažpuõccmõš
-
rõõʹddi säʹlbbummuž
-
rytmmsieʹjjtõõzz
-
šååkk
-
moksteei levvjummuž
-
vueiʹvvjoortõõzz leʹbe pannvââivuõđ
-
kõlmštem-mõõntõstäävtõõzz
Looǥǥ lââʹzz liikkummša mäccmõõžžâst infektio mâŋŋa Terve Urheilija -seiddõõzzâst:
Mäccmõš liikkummša vuõiŋŋâmorgaaninfektio mâŋŋa (vuäppõõzz priimmâm: Škooulutõspâʹjjdåhttar Maria Hagnäs 4.2.2025): Paluu urheiluun hengitystieinfektion jälkeen
Teâttkääiv:
Sportt. Käypä hoito -siâzztõs, 2016. hoi50075.pdf (viitattu 3.12.2024)