Luâtt pueʹrad puârastvââjjmõõžž
Luâtt pueʹrad puârastvââjjmõõžž
Luâđast liâ määŋg tuʹtǩǩuum puârastvââjjamvaaiktõõzz nuʹt miõʹlle ǥu vaʹrdde. Luâđ puârastvââjjamvaaiktõõzzin vuäitt vuäǯǯad juʹn vuäʹniǩ âʹlddluâđast vieʹttjum pooddin, nääiʹt kõõddas luõttu vuâlggmõʹšše lij šiõǥǥ ââʹnned vueʹllǥiʹžžen. Luâđast ååreen liikkummuž lâssan täujja mâta vuâmmšeǩânai, tõt nâânad luâđast åårrmõõžž tiõrvâsvuõttvaaiktõõzzid.
Tuʹtǩǩummšest lij vuâmmšum, što luâtt pueʹrad miõl puârastvââjjmõõžž, câgg loʹsses miõl oudldõõzz da streeʹss di pueʹrad miõl. Luâđast lij äiʹǧǧ årsted jiijjâs jurddji paʹldde da vuâŋsted aarǥ ǩirrsin. Luâđast ååreen huõl da peʹccel väjldâʹvve. Åuggõõllâm mâŋŋa še vaiggâd ääʹšš tåʹbddje hiâlpben ǩiõttʼtõõllâd. Nuuʹbb beäʹlnn ouddmiârkkân tuâjjsaǥstõõllmõõžž viikkmõš luâđast vääʹʒʒeeʹl vuäitt vieʹǩǩted ǩiõttʼtõõllâd aaʹššid ääʹvben, kreevsubân da ooccâd räʹtǩǩummšid hiâlpben. Luâđast vieʹttjum äiʹǧǧ vieʹǩǩat še čiŋlmõõvvâd pueʹrben.
Luâđast åårrmõõžž lij vuâmmšum vaaiktem miõl lââʹssen še fyyslaž tiõrvâsvuõʹtte. Juʹn vuäʹniǩ luâđast åårrmõš luâštt võrrteädd da pâârktõõzz. Luâđast vieʹttjum ääiʹj leät čuäʹjtum leämmaž õhttvuõđâst pueʹrab čââʹđtiõrvâsvuõʹtte da occnjab leiʹǧǧteädd da tyypp 2 diabeeʹttes očndõõttmõʹšše. Luâđast vieʹttjum äiʹǧǧ vuäitt suõjjeed še astmast da allergiai šõddmõõžžâst. Luâđast vuäǯǯap puârastvaajjmõʹšše vääžnai mikroobid, kook vueiʹtte kuâsttjed vuâsttlâʹsttemoodd puârrnummšen.
Looǥǥ lââʹzz luâđ puârastvââjjamvaaiktõõzzin Tiõrvâsvuõttǩeʹrjjpõõrtin:
Luonnosta mielenterveyttä, kuntoa ja elämänlaatua - Terveyskirjasto
Äuʹǩǩed miõlltiõrvâsvuõttpõõrt Puârastvââjjmõõžž luâđast -jiõččhåiddprograamm leʹbe ǩiččlõõđ meäʹccmiõllmättʼtõõttmõõžžid:
Puârastvââjjmõõžž luâđast -jiõččhåiddprogramm: Tervetuloa Hyvinvointia luonnosta -ohjelmaan! | Mielenterveystalo.fi
Luâttmättʼtõõttmõõžžid miõl puârastvââjjmõõžž ooudâsviikkmõʹšše: 2. TYÖKALUJA | Mielenterveystalo.fi