Mäʹhtt vuäitam pueʹreed tuâjjoddan?
Mäʹhtt vuäitam pueʹreed tuâjjoddan?
Määŋgain tuejjeem tuâjain vuäitak teevvad tuâjjpeiʹvvad jiijjad tuâjjoodd tuärjjeeʹjen tuâjjuuʹdi vuäppõõzzi da vuâkkõõzzi šiõtteem raajin. Täʹl leäk jiõčč aktiivlaž tåimmai tuâjjooddad da puârastvââjjmõõžžad ooudâsviikkmõõžžâst. Vuäitak vueiʹtlvânji tuejjeed muttsid håʹt mâka ääiʹj âânnmõõžž da tuejjeem tuâjai priorisâsttmõʹšše. Tuâjjnaaʹli teevvmõõžžâst kaʹnnat mainsted še tuâjjpääiʹǩest, täʹl tuâjjõutstõs vuäitt oouʹdeed tuâjas puârastvââjjmõõžž tuärjjeeʹjen. Jõs toobdak tuâjad soljvõʹtti räʹtǩǩummšid leʹbe kaiʹbbjak håʹt mâka ođđ vaʹǯǯtõõzzid, maainâst tõin tuõsteeʹl tuâjjõutstõõzzâst.
Vääžnai vueʹss tuâjjoodd ouddnummuž liâ še aarǥ vaʹlljummuž. Vaʹrrjak tâma ääiʹj vuâŋŋmõʹšše da virkkõõvvmõʹšše. Liikkummuš, staarjõõzz da miõllsa sosiaalʼlaž kõskkvuõđ vieʹǩǩte virkkõõvvâd tuâj tuejjeem kuârmtummšest. Tiõrvvsallaš da mieʹrrkõõski poorrmõš vieʹǩǩat piʹrǧǧeed nuʹt tuâjast ǥu âsttääiʹjest.
Jõs leäk piâkkõõttâm tuâjjooddstad, nuʹt ääʹššest âlgg saǥstõõllâd vueʹllǥaž kõddsin tuâjjlažkåʹddjååʹđteeʹjin. Tuâjjlažkåʹddjååʹđteeʹjj vuäitt vieʹǩǩted tuu tuâjad pueʹrummšest tåʹlǩ tâʹl, ǥu kuârmtõõzz šõddeem tuejjeeʹjin tieʹđet. Tuâjjoʹdde õhttneei vaʹǯǯtõõzzin vuäǯǯak vieʹǩǩ še tuâjjtiõrvâsvuõtthuâlast. Taarbšeen vuäitak leeʹd õhttvuõđâst še tuâjjpääiʹǩ tuâjjsuõjjlemväʹlddnekka.
Jõs leäk tuâjj-jieʹllem ååuǥbeäʹlnn, vuäitak ooʒʒõõttâd työttömien terveystarkastukseen.
Looǥǥ lââʹzz:
Tuâjjtiõrvâsvuõttstroiʹttel: Jiijjâs tuâj pueʹrummuš
Siõr Diakonia-ämmatõllškooul seiddõõzzâst käunnʼjeei da tuâjjoodd tuärjjeei Puârastvââjjambingo: Hyvinvointibingo