Mii tuâjjodd lij?
Mii tuâjjodd lij?
Tuâjjodd šâdd persoon tiõrvâsvuõđâst, tåimmamooddâst, viõkkvääʹrin, šiõhttlõõttmõõžžin da silttõõzzâst kõskkvuõđâst tuâj õõlǥtõõzzid. Tuâjjoʹdde vaaikte oummu fyysla, psyykla, kognitiivla da sosiaalʼlaž viõkkvääʹr. Vääžnmõs lij kaunnâd tääʹssteädd persoon viõkkvääʹri da tuâj kuârmtemvuõđ kõʹsǩǩe. Tuâjjpeeiʹv mâŋŋa viõkkvääʹr âʹlǧǧe kueʹđđed še miõllsaž aʹrǧǧe da âsttäigga.
Tuâjjoodd vueiʹtet tuâjjpääiʹǩest pueʹreed pueʹrr jååʹđtummšin da tuâjjåårrmõõžžin. Määŋgain tuâjain še persoon vuäitt kuuitâǥ kooi-ne meäʹrin teevvad tuâjas puârastvââjjmõõžžâs tuärjjeeʹjen. Vääžnai lij, što tuâjjla silttummuš da tuejjeem tuâj õõlǥtõõzz liâ tääʹssteäddast. Čuuʹt vaiggâd, leša še čuuʹt hiâlpâs tuâjj vueiʹtte lââʹzzted tuâj kuârmtemvuõđ. Tuâjjõutstõõzz tueʹrjin lij kõskksaž miârktõs tuâjjoodd da tuâjjpuârastvââjjmõõžž beäʹlnn.
Tuâjjoʹdde vaaikte še persoon äärv da motivaatioraajji. Tuâjjoodd âʹlnn âânnmõõžžâst da ooudâsviikkmõõžžâst aarǥ vaʹlljummšin liâ miârktõõzz. Tiõrvvsallaž jieʹllemnääʹl, mâta mieʹrrkõskksaž liikkummuš, tiõrvsallaš porrmõš da riʹjttjeei nââeʹr di virkkõõvvmõš tuärjjee tuâjjoodd. Miõllsa sosiaalʼlaž kõskkvuõđ nuʹt aarǥâst ǥu âsttääiʹjest vieʹǩǩte âʹlnn ââʹnned tuâjjoodd.
Tuâjjoodd vueiʹtet kovveed Tuâjjtiõrvâsvuõttstroiʹttel Tuâjjoddpõõrt veäkka. Tuâjjoddpõrtt pââšš tääʹssteäddast, ǥu puk tõn riâdd tuärjjee nuuʹbbeez.