Narkotikkaunnâz da jeeʹres vuäivvõõttâmaunnâz
Narkotikkaunnâz da jeeʹres vuäivvõõttâmaunnâz
Vuäivvõõttiaunnâz, leʹbe narkotiikk liâ vuäivvõõttiaunnâz, kook liâ Lääʹddjânnmest lääʹjjteʹmes da viõkkšânji čõnnsallašvuõđ šõddeei. Tõk liâ håʹt mâka kannabis, amfetamiin, ekstaas, heroiin, kokaiin, LSD da muʹttumvuäivõõttâmaunnâz. Vuäivvõõttâmaunnsi vaaiktõõzz da riisk vaajtâʹlle.
Vuäivvõõttâmaunnsi âânnmõš vuäitt äʹlǧǧed ǩiõččlâsttmõõžžâst, kååʹtt vuäitt kuuitâǥ ouddned jåʹttlânji tuõttsõs čõnnsallašvuõttân. Vuäivvõõttâmaunnsi âânnmõõžž juätkjeen seännamodd vuäivvõõttâmaunnsid šâdd, kuäʹss še meäʹr lâssne. Täujja vuäivvõõttâmaunnâz vueiʹtte tuejjeed še suuʹlmâʹsttemvaar.
Vuäivvõõttâmaunnâz vaaikte nuʹt psyyklaž ǥu fyyslaž tiõrvâsvuõʹtte. Aʹlǧǧe tõk vueiʹtte tuejjeed miõllpuârõõzz, leša âânnmõõžž seuʹrrjõssân vuäitt očndõõttâd loʹssesmiõllvuõtt, tåʹsǩǩvuõtt, nââʹerteʹmesvuõtt, sieʹǩǩvõsvuõtt da jeeʹres oudldõõzz. Vuäivvõõttâmaunnâz vaaikte še tällõʹsse, sosiaalʼlaž kõskkvuõđid da puârastvââjjmõʹšše di vueiʹtte jååʹđted kriminaalaž tåimmjummša.
Vuäivvõõttâmaunnsi lââʹssen še talkksi puästtadâânnmõõžž vuäitt tuejjeed čõnnsallašvuõđ. Tät miârkat håʹt mâka čueʹccem- da rääuhteei talkksi âânnmõõžž vuäivvõõttâm-miârktõõzzâst. Še noohhstemvuõtt, leʹbe håʹt mâka liijmi, rämmgaass da bensiin vuõiŋŋmõš, lij samai vaarrlaž da vuäitt päʹrtteed vuõivâšn.
Vuäivvõõttâmaunnsi da jeeʹres peäʹnci âânnmõõžžin liâ tuõttsõs seuʹrrjõõzz, leša veäʹǩǩ lij vuäǯǯamnalla. Jõs ton leʹbe âʹlddooumžad taarbšeʹped tueʹrj, vieʹǩǩ kaʹnnat vuäǯǯeed ääiʹjeld. Vuäivvõõttâmaunnsi, talkksi puästtadâânnmõõžž da noohhstummuž loopptummša vuäǯǯ vieʹǩǩ Lappi pueʹrrvââjjamvuuʹd sosiaal- da tiõrvâsvuõttkääzzkõõzzin. Lââʹssen taʹrjjeemnalla liâ jeeʹresnallšem verddsažjoouk, organisaatioi tuäʹrjjmaall di jiõččveäʹǩǩ-kääzzkõõzz, koin lij vueiʹtlvaž vuäǯǯad tueʹrj peäʹnecaunnsi loopptummša.
Leäk-a piâkkõõttâm narkotikkaunnsi leʹbe jeeʹres vuäivvõʹtti aunnsi âânnmõõžžâst?
Vuäitak lookkâd lââʹzz narkotikkaunnsin da jeeʹres vuäivvõõttâmaunnsin di teʹsttjed vuäivvõõttâmaunnsi âânnmõõžžad tääiʹben:
Huumeiden käytön kysely (DUDIT) | Mielenterveystalo.fi
Tueʹrj narkotikkaunnsi da jeeʹres vuäivvõõttiaunnsi loopptummša
NA infoteʹlfon narkotiikk õõʹnnʼjid
Irti huumeista ry vieʹǩǩteei teʹlfon narkotiikk õõʹnnʼjid da sij âʹlddoummeez
Lappi pueʹrrvââjjamvuuʹd kääzzkõõzz
Jiõččhåidd-prograamm