Teäʹǧǧ- ja digisiõrrâm
Teäʹǧǧ- ja digisiõrrâm
Teäʹǧǧsiõrrmin juuʹrdet tieʹǧǧin siõrrâm. Håʹt mâka neʹttpoker, šlanttsiõr, kasinosiõr, lotto da vueʹrb liâ teäʹǧǧsiõr. Teäʹǧǧsiõrrâm liâ Lääʹddjânnmest ǩiõlddum vuâlla 18-âkksain. Digisiõrrmin juuʹrdet neʹtt- da konsolsiõrrmi siõrrâm.
Teäʹǧǧ- ja digisiõrrâm vuäitt leeʹd hääʹsǩes spiisk da ääiʹjvieʹttjummuž aarǥâst. Teäʹǧǧsiõrrâm vuäitt kuuitâǥ šõddâd vaiggâdvuõttân da čiŋlmõõvvâd čõnnsallašvuõttân. Hääitlaž teäʹǧǧ- da digisiõrrâm vuäitt toobdsted tõʹst, ǥu täk äʹlǧǧe viikkâd ääiʹj da energia jeeʹres hååmmain. Teäʹǧǧsiõrrâm vuäitt äʹlǧǧed håʹt mâka häittad sutkkryytm di määttaid leʹbe tuâjaid.
Jeeʹres miârk hääitlaž teäʹǧǧ- da digisiõrrmest liâ täujja håʹt mâka vaiggâdvuõđ looppted siõrrâm, siõrrâm peittmõš leʹbe täʹst ǩeâlstõõllmõš di teäʹǧǧ- da digisiõrrma õhttne reeid âʹlddoummuivuiʹm. Teäʹǧǧ- leʹbe digisiõrrâm vuäitt tueʹjjeed še straamm da vieʹrrvuõđ, kook liâ še miârk siõrrâmvuõđâst. Hääitlaž tieʹǧǧin siõrrmõš kuâsttai täujja še tällõõzzlaž vaʹǯǯtõssân. Tieʹǧǧin siõrrâm vueiʹtlvâʹsttem diõtt vueiʹtet håʹt mâka väʹldded lääin taaurõõžžin leʹbe hiâlppviippid, što teäʹǧǧsiõrrâm oʹnnsteʹči.
Jõs ton leʹbe âʹlddooumžad taarbšeʹped tueʹrj, vieʹǩǩ kaʹnnat raukkâd ääiʹjeld. Hääitlaž teäʹǧǧsiõrrma da teäʹǧǧsiõrrâmčõnnsallašvuõʹtte vuäǯǯ vieʹǩǩ Lappi pueʹrrvââjjamvuuʹd sosiaal- da tiõrvâsvuõttkääzzkõõzzin. Lââʹssen taʹrjjeemnalla liâ jeeʹresnallšem verddsažjoouk, organisaatioi tuäʹrjjmaall di jiõččveäʹǩǩ-kääzzkõõzz, koin lij vueiʹtlvaž vuäǯǯad tueʹrj teäʹǧǧsiõrrâm loopptummša.
Leäk-a piâkkõõttâm teäʹǧǧsiõrrmest? Vuäitak teʹsttjed teäʹǧǧsiõrrâm tääiʹben:
Testaa pelaatko liikaa | Peluuri
Testaa videopelaamisesi | Peluuri
Oma-aputyökalut ja testit - Pelituki
Vieʹǩǩ da tueʹrj
Peluurin auttava puhelin ja chat
Nimettömät pelurit verddsažtueʹrj teäʹǧǧsiõrrjid
Pelirajaton verddsažtueʹrj teäʹǧǧsiõrrjid
Lappi pueʹrrvââjjamvuuʹd kääzzkõõzz
Jiõččhåidd-prograamm