Tuâjjmotivaatio
Tuâjjmotivaatio
Tuâjjmotivaatioin miârktet oummu čõnnõõttmõõžž da šiõhttlõõttmõõžž jeeʹresnallšem tuâjaid. Tuâjjmotivaatiooʹje vaaikteei ååuǥla motivaatioraajji liâ jeäʹrbi mieʹldd tuâjast vuõǯǯum smeʹllkâttmõš, õʹhttekuullâmvuõđ tobddmõš da päʹlǩǩ. Seʹst käunnʼjeei motivaatioraaji liâ ravvsânji tobddjid paššneei, mâta ouddmiârkkân jiijjâs teâuddjâttmõš da ooudâsviikkmõš di haall mättjed ođđ da tuejjeed miârkteeinallšem tuâj.
Tuâj njiimmʼmõõžžin miârktet tuâjast tobddâmvuâla miõttlõs toobd- leʹbe motivaatiosââʹj. Tuâjjla šiõhttlõõttmõõžž da loŋŋnemvuõtt vaaikte tuâjjoʹdde. Jiijjâz äärvai vuâsttsiʹžžen tobddum tuâjj vuäitt vaaikted tuâjjoʹdde hueʹneeʹl. Suåppi miõllsaž da vaʹǯǯtõõzzlaž tuâjj vuäitt raaveed tuâjjoodd.
Miõttlõs toobd- leʹbe motivaatiosââʹjest åårrai ooumaž vuâlgg pueʹrrmiõlin tuõjju, tåbdd tuâj miõllsiʹžžen da naaudaš tõʹst. Tuâjjnjiimmʼmõõžž toobdeen tuâj tuejjummuž äʹlššaivuõtt, vuäʹmstummuš da čiŋlmõõvvmõš tuõjju hiâlpte. Tuâjjnjiimmʼmõõžž lââʹzzte vueiʹtlvažvuõtt vaaikted jiijjad tuõjju, tuâjast vuäǯǯam maacctõs da toiʹmmjeei joukktuâjj.
Vuäitak jiõčč arvvtõõllâd jiijjad tuõjju õhttneei toobdmõõžž tuejjeeʹl teeʹst täʹst!
Looǥǥ lââʹzz tuâj njiimmʼmõõžžâst Tuâjjtiõrvâsvuõttstroiʹttel www-seeidast:
https://www.ttl.fi/teemat/tyohyvinvointi-ja-tyokyky/tyon-imu