Tueʹrj tuâjjoodd ooudâsviikkmõʹšše
Tueʹrj tuâjjoodd ooudâsviikkmõʹšše
Tuâjjuuʹdi tuâjjan lij jååʹđted tuâjjoodd ouddnummuž. Tuâjjuʹvddi vaʹsttad tõʹst, što tuâjjpääiʹǩ tåimmamvueʹjj tuâjjoodd tuärjjummšen lij suåppum tuâjjlai da tuâjjtiõrvâsvuõtthuâlain. Tuâjjlažkåʹddjååʹđteeʹj tuâjjan lij aiccâd, vuåppâd da toobdsted tuâj vaaiktõõzzid tuâjjlai puârastvââjjmõʹšše, tuõrvvʼvuõʹtte da tuâjjoʹdde. Taarbšeen tuâjjlažkåʹddjååʹđteeʹjj maainast ääʹššest tuâjjlain.
Tuâjjliʹžžen tuʹst lij vuõss-sâjjsaž vasttõs jiijjad tiõrvâsvuõđ, puârastvââjjmõõžž da tuâjjooddad ouddnummšest. Tuâjjtuõrvvʼvuõđ da tuâjjpuârastvââjjmõõžž tuäʹrjjen, tuʹst lij õõlǥtemvuõtt jääʹǩǩted tuâjjuuʹdi meärrõõzzid da vuäppõõzzid di suåppum vuõʹjjid. Taarbšeen jåårǥal tuâjjuuʹdi, tuâjjlažkåʹddjååʹđteeʹj da tuâjjtiõrvâsvuõtthuâl beälla tuâjjooddad õhttneei aaʹššin.
Tuâjjtiõrvâsvuõtthuâll lij tuâjjoodd äʹšštobddi, koon tuâjaid kooll tuâjjla tuâjjoodd tuärjjummuš da vuåppmõš di tuâjjuuʹdi da tuâjjlažkåʹddjååʹđteeʹji tuärjjummuš da vuäʹpstummuš tuâjjoddaaʹššin. Tuâjjlažkååʹdd eeʹttǩeeʹjen tuâjjsuõjjlemväʹlddneeʹǩǩ ja luõʹttjemoummu vuässâʹtte tuâjjla raukkmõõžžâst suu tuõjju kuõskki ääʹššes čiõlǥtummša da tuâjjoodd tuärjjummša.
Jõs leäk tuâjj-jieʹllem ååuǥbeäʹlnn, vuäitak ooʒʒõõttâd työttömien terveystarkastukseen. Tuâjteʹmes oummui tiõrvâsvuõtt-taʹrǩstummuž täävtõssân lij pueʹreed tiõrvâsvuõđ da puârastvââjjmõõžž, kaartʼted juʹn åårrai tuâjj- da tåimmamoodd di vuäʹpsted taarbšeei juätkk-kääzzkõõzzid. Taʹrǩstummuž tuejjad takai ääʹššest tiõrvâsvuõđhoiʹddjeeʹjj, taarbšeen dåhttar. Tiõrvâsvuõđhoiʹddjeeʹj tuejjeem taʹrǩstõs lij tuʹnne määustem. Vueiʹtlvaž juätkktuʹtǩǩummuž laasktet viõǥǥâst åårrai hõõʹddi meâldlânji. Tiõrvâsvuõtt-taʹrǩstummšest šiõtteet konkreettlaž täävtõõzzid oummu jiijjâs taarbid vuâđđõõleeʹl. Taarbšeen taʹrǩstummšest raajât plaan tiõrvâsvuõđ da tuâjjoodd tuärjjummšen määŋgsuârggsaž õhttsažtuâjast.