Vieʹǩǩ peäʹnec-čõnnsallašoummu âʹlddooumže
Vieʹǩǩ peäʹnec-čõnnsallašoummu âʹlddooumže
Âʹlddtaaurõõžž peäʹnec-čõnnsallašvuõđ vuäitt toobdsted peäʹnci peittmõõžžin, peittast juukkmõõžžâst, suåppum aaʹšši leʹbe tuâjai tueʹjjeeǩani kuâđđmõõžžâst. Peäʹnec-čõnnsallašvuõʹtte õhttne täujja še tällõõzzlaž vaʹǯǯtõõzz. Peäʹnec-čõnnsallašvuõtt lij nåkam vaiggâdvuõtt, tõn jiõk vueiʹt tuõʹllʼjed da tõt vaaikat negatiivlânji še oummui âʹlddpirrõʹsse.
Lij samai vueʹrddemnalla, što peäʹnec-čõnnsallašooumaž jiõčč ǩeâldd vaiggâdvuõđâs da ååcc še veäʹrid jeeʹresåʹrnn ǥu jijstes. Âʹlddtaaurõõžž peäʹnci âânnmõõžž mainstemvuâlla välddmõš ij leäkku hiâlpp, leša lij vääžnai peäggted, jõs lij piâkkõõttâm âʹlddoummu peäʹnci âânnmõõžžâst. Jiijjâs huõlâst da tobddmõõžžin mainstummuš, peäʹnec-čõnnsallašoummu vieʹrrteǩani, lij pueʹrr vueʹlǧǧemsââʹjj saǥstõõllmõʹšše. Peäʹnec-čõnnsallašoummust feʹrttai jiõčč miõttâd vaiggâdvuõđâs da še haaʹleed muttâz di vieʹǩǩ puârrnem diõtt.
Âʹlddtaaurõõžž peäʹnci âânnmõš põhtt täujja määŋgnallšem tobddjid, mâta pââl da tååʹsǩ. Âʹlddtaaurõššân vuäitak uʹvdded tueʹrj da kuvddled di smeʹllkâʹtted peäʹnec-čõnnsallašoummu ooccâd ämmatvieʹǩǩ. Peäʹnec-čõnnsallašoummu âʹlddoummust lij vääžnai ââʹnned huõl še jiijjâs puârastvââjjmõõžžâst da siʹjjid lij še veäʹǩǩ vuäǯǯamnalla organisaatioin di sosiaali-da terveyspalveluista.
Vieʹǩǩ da tueʹrj
Tueʹrj peäʹnecsäursmeeioummuid da sij âʹlddoummuid: Tukikohta ry
Alkohoolõõʹni âʹlddooumže verddsažtueʹrj: Al-Anon
Tueʹrj narkotikkčõnnsallašoummu âʹlddooumže: Irti Huumeista ry