Vuäđđmõõžž jiõččhåidd
Vuäđđmõõžž jiõččhåidd
Meertääʹzzest vueʹđđep ânnʼjõžääiʹjest uuʹccab ääiʹj ǥu ääiʹjab da seämma-ääiʹj nââʹerteʹmesvuõtt lij täujjnam. Ǩirrsallaš argg da vueʹđđemääiʹjest ǩeâšttõõʹtti tååim, mâta some plaađeem da jeeʹres ǩiõččâmäiʹǧǧ liâ täujjnam vuäneeʹl da hueʹneeʹl vuäđđmõõžž. Positiivlaž äʹšš kuuitâǥ lij, što mij jiijj vueiʹttep vaaikted, mõõn kuuʹǩǩ vueʹđđep iinnâst da lij-a tõt luännteei vuäđđmõš.
Vuäitak arvvtõõllâd jiijjad vueʹđđemharjjnummšid Miõlltiõrvâsvuõttpõõrt vueʹđđemhuâllvuäppõõzzi veäkka. Kâʹll kâʹl vasttõõzz vuõǯǯuk? Mâid vuäitčiǩ veâl tuejjeed, što vuäđčiǩ pueʹrben?
Vuäđđmõõžž jiõččhååid kuånst sueʹppe pueʹrmõsân oummuid, ǩeäin liâ pâi lääiʹves leʹbe kõskkmeärrsaž vueʹđđemvaiggâdvuõđ. Vuäitak vaʹlljeed jiijjad aʹrǧǧe suåppi vueʹđđemhuâllkuånst OPAS-haʹŋǩǩõõzz vueʹđđemhuâllvuäppõõzzâst.
Vueʹđđemvaiggâdvuõđi kuuʹǩǩ pešttmõš leʹbe tõt lij vaiggääb ǥu ouddâl, tõõzz lij veäʹǩǩ vuäǯǯamnalla. Jõs vueʹđđemvaiggâdvuõđ vaaikte aʹrǧǧe da vuäđđmõõžž jiõččhåiddkuånst jiâ leäkku nokk, vuäitak leeʹd õhttvuõđâst jiijjad tiõrvâsvuõttsâjldõʹǩǩe leʹbe tuâjjtiõrvâsvuõtthuõllu. Škooulneeʹǩǩ da mättʼtõõtti vueiʹtte mainsted vueʹđđemaaʹšši vaiggâdvuõđin škooul- leʹbe mättʼtõõttâmtiõrvâsvuõtthuâlast.
Ǩiččlõõdd Miõlltiõrvâsvuõttpõõrt harjjtõõzzid:
Harjjtõs: Hyvän unen huoltotoimenpiteet
Lappi pueʹrrvââjjamvuuʹd kääzzkõõzz
Jiõččhåidd-prograamm