Vuäivvõõttâmaunnâz, čõnnsallašvuõđ da puârastvââjjmõš
Vuäivvõõttâmaunnâz, čõnnsallašvuõđ da puârastvââjjmõš
Peäʹnci âânnmõõžžin miârktet alkohool, tääbbaǩ- da nikotiinouddsi, narkotiikki da vuäivvõõttâm-miârktõõzzâst õnnum talkksi âânnmõõžž di määŋgvuäivvõõttâmaunnsi âânnmõõžž. Čõnnsallašvuõtt vuäitt šõddâd peäʹnci âânnmõʹšše leʹbe tiõttum tåimmjummša, mâta siõrrma leʹbe sosiaalʼlaž media âânnmõʹšše. Čõnnsallašvuõđâst vuõivâšn mättje vuäǯǯad miõllpuârõõzz tiõttum ääʹššest da haaʹlee tõn veâl jäänab.
Peäʹnci âânnmõš da čõnnsallašvuõđ liâ hääitlaž tiõrvâsvuõʹtte da puârastvââjjmõʹšše da vueiʹtte häittad aarǥ määŋgain jeeʹres naaʹlin. Tõk vueiʹtte hueʹneed liikkummuž da staarjõõzz miõl ǩeässmõõžž, lueʹštted tuâjj- da mättʼtõõttâmoodd di häittad vuâđđmõõžž. Juʹn uuʹccab peäʹnci âânnmõõžž meäʹr vueiʹtte vaaikted miõʹlle da šõddeed tåʹsǩǩvuõđ, veäʹlšõsvuõđ da nââʹerteʹmesvuõđ. Jiijjad puârastvââjjmõõžž lââʹssen peäʹnec da čõnnsallašvuõđ vueiʹtte vaaikted še âʹlddoummui puârastvââjjmõʹšše, kõskkvuõđid da jiijjad tällõʹsse. Peäʹnec lââʹzzte še riiskid määŋgaid puõccmõõžžid, mâta poorrikõõvid di vuõiŋŋâmorgaan- da võrrjååʹttemsiisklõõžž puõccmõõžžid. Lââʹssen peäʹnci âânnmõš vaarad paaʹrtid jõuddmõõžž da šõddad tuõrvteʹmesvuõđ.
Lij vääžnai toobdsted peäʹnci âânnmõõžž da čõnnsallašvuõđi vaaiktõõzzid jiijjad puârastvââjjmõʹšše da vuäǯǯeed vieʹǩǩ. Ǥu peäʹnci âânnmõʹšše da čõnnsallašvuõđid kässjõõđat samai ääiʹjeld, vueiʹtet cõggâd vueʹjj huânnʼnummuž da häittvaaiktõõzzid. Jiõččhåiddprograammi veäkka vuäitak arvvtõõllâd peäʹnci âânnmõõžžad di siõrmad, da vuäǯǯad konkreettlaž vuäppõõzzid hääʹrvben âânnmõʹšše da loopptummša. Jiõččhåiddprograamm sueʹppe vuõʹjjid, koin välddveärlaž vaiggâdvuõtt iʹlla veâl ouddnam leʹbe tõt iʹlla ouddnam tuõttsõs tässa. Kaaunak jiõččhåiddprograammid juõʹǩǩ vueʹllseeidast.
Lââʹssteâđaid da tueʹrj
Päihdeneuvonta, teʹl. 0800 900 45
Sekasin-Chat (12-29-âkksaid nuõrid)
Lappi pueʹrrvââjjamvuuʹd kääzzkõõzz
Jiõččhåidd-prograamm