Kääzzkõõzzi vuäǯǯmõš
Kääzzkõõzzi vuäǯǯmõš
Hoiddu piâssmõš da håiddtäʹǩǩõs
Håiddtäʹǩǩõõzzin juuʹrdet tiõrvâsvuõtthuâll-lääʹjjest meäʹrtõllum ääiʹj, koon seʹst puõcci âlgg piâssâd ǩirrsâʹttem hoiddu leʹbe ǩirrsâʹttem tuʹtǩǩummša.
Hoiddu piâssmõõžžâst šiõtteet tiõrvâsvuõtthuâll-lääʹjjest.
Ǩirrsallaš hoiddu âlgg piâssâd tâʹlles.
Ǩirrsâʹttem hoiddu piâssmõʹšše leʹbe håiddtäʹǩǩõʹsse lie jeeʹresnallšem äiʹǧǧraaj. Vuâđđtiõrvâsvuõtthuâl ääv- puõccâmhoiddu âlgg piâssâd koolm mannu da njääʹlm tiõrvâsvuõtthuâlla kuuđ mannu ǩeeʹjjest hååid taarb arvvlâsttmõõžžâst.
Puõcci feʹrttai kuuitâǥ piâssâd hoiddu märddnallšem ääiʹjest. Ouddmiârkkân jõs puõcci tiõrvâsvuõtt lij pannʼnalla, tâʹl suu feʹrttai piâssâd hoiddu håiddamstaanpood jåʹttlubun.
Lue sosiaali- ja terveysministeriön sivustolta yleiskielinen tiedote uudesta hoitotakuusta
Õhttvuõđ vuäǯǯmõš vuâđđtiõrvâsvuõtthuâl juâkksa da ärvvtõõllmõš hååid taarbâst
- Vuâđđtiõrvâsvuõtthuõllu âlgg vuäǯǯad õhttvuõđ arggpeeiʹvi veʹrǧǧääiʹj.
- Tiõrvâsvuõtthuâl ämmatneǩ âlgg ärvvtõõllâd tuu hååid taarb da hååid ǩirrsallašvuõđ seämma peeiʹv ääiʹj. Ärvvtõõllmõš vuäitt šõddâd teʹlfoonâst, liâđǥlaž äʹššeemkanaal pääiʹǩ leʹbe kââzzkâʹsttempääiʹǩest jeällõõččeeʹl.
- Njääʹlm tiõrvâsvuõtthuâlast ton õõlǥak vuäǯǯad ärvvtõõllmõõžž hååid taarbâst da ǩirrsallašvuõđâst seämma peeiʹv, ko leäk leämmaž õhttvuõđâst kääzzkâʹsttempäikka.
Ǩirrsâʹttem hoiddu piâssmõš da vueʹrddemääiʹj
1.1.2025 rääʹjest ton õõlǥak vuäǯǯad tuu vuâđđtiõrvâsvuõtthuâl äävpuõccihååidast taarbšem hååid kooum määnpââʹj seʹst õhttvuõttvälddmõõžžâst da hååid taarb ärvvtõõllmõõžžâst, ko kõõččmõš lij ouddmiârkkân: puâccjummšest, vââʹjjest, kuʹǩesäiggsaž puõʒʒâlm vaigsmõõvvmõõžžâst leʹbe toiʹmmjempâstlvažvuõđ huânnʼnummšest. Hååid vueiʹtet viikkâd čõõđ jeeʹres naaʹlivuiʹm, leʹbe tuejjeem tääʹzzest vuâsttavälddmõõžžâst, teʹlfoon pääiʹǩ, muđoi ougglõsõhttvuõđ pääiʹǩ leʹbe dommvuâsttavälddmõõžžâst.
Ton õõlǥak vuäǯǯad vuâđđtiõrvâsvuõtthuõllu kuulli njääʹlm tiõrvâsvuõtthuâl kuuđ määnpââʹj seʹst õhttvuõttvälddmõõžžâst da hååid taarb ärvvtõõllmõõžžâst. Vuâđđtääʹzz spesiaalpääʹnndåhttra âlgg piâssâd kuuđ määnpââʹj seʹst tõʹst, ko pääʹnndåhttar lij tuõttâm kääzzkõõzz taarb.
Muttâz jiâ kuõsk vuâlla 23-ekksaid.
Spesiaalpuõccihåidd
Puõccipõrtthoiddu da spesiaalpuõccihoiddu taarbšak vuõlttõõzz. Ko vuõlttõs lij tuejjuum da puättam puõccipõʹrtte, tuu vueʹjj âlgg ärvvtõõllâd kooum neäʹttel seʹst. Ton õõlǥak piâssâd hoiddu kuuđ määnpââʹj seʹst.
Vuâlla 23-ekksai spesiaalpuõccihååid miõlltiõrvâsvuõttkääzzkõõzz
Päärnai da nuõri miõlltiõrvâsvuõttkääzzkõõzzin hååid taarb ärvvtõõllmõõžž âlgg altteed kooum neäʹttel seʹst tõʹst, ko vuõlttõs lij puättam tåimmjuâkksa. Jõs tuu vueʹǩǩ ooudald spesiaaldåhttar ärvvtõõllmõõžž, ärvvtõõllmõõžž âlgg altteed kuuđ neäʹttel seʹst vuõlttõõzz pueʹttmest. Ko hååid taarb leät tuõttâm, hoiddu âlgg piâssâd koummân määnpââʹjest.
Kääzzkõõzzi vuäǯǯmõš âkksas narood tåimmamoodd tueʹrrjjummša di ââʹǩǩoummui sosiaal- da tiõrvâsvuõttkääzzkõõzzid
Kääzzkõstaarb ärvvtõõllmõš
Ââʹǩǩoummui kääzzkõstaarb ärvvtõõllmõõžž tuejjeet määiʹnteʹmes mââʹjõõzztaa. 75 eeʹjj tieuʹddam oummu ǩirrsâʹttem kääzzkõstaarb ärvvtõõllmõõžž altteet mââimõõzzâst čiiččad arggpeeiʹv tõʹst, ko ââʹǩǩooumaž lij väʹlddam õhttvuõđ sosiaalkääzzkõõzzid. Ǩirrsallaš vieʹǩǩ taarb ärvvtõõlât tâʹlles (sosiaalhuõll-lääʹǩǩ § 36, lääʹǩǩ âkksas narood tåimmamoodd tueʹrjjummšest da ââʹǩǩoummui sosiaal- da tiõrvâsvuõttkääzzkõõzzin § 15).
Ââʹǩǩoummui sosiaalkääzzkõõzz
Ââʹǩǩoummust lij vuõiggâdvuõtt vuäǯǯad suʹnne miõttum sosiaalkääzzkõõzz määiʹnteʹmes mââʹjõõzztaa, mââimõõzzâst kuuitâǥ koumm määnpââʹj seʹst tõʹst, ko vieʹǩǩ tarbb lij očndõõttâm. Ääiʹj vuäitt mõõnnâd kuuʹǩǩab ko tän, jõs ääʹšš čiõlǥummuš õõlǥat kuuʹǩǩab ǩiõttʼtõõllâmääiʹj leʹbe äʹššneeʹǩǩest lij jeeʹres tän ääʹšš kuõskki takai jeärab vuâđđ. Ǩirrsallaš sosiaalkääzzkõõzz âlgg vuäǯǯad mââʹjeeǩâni (sosiaalhuâll-lääʹǩǩ 45 §, lääʹǩǩ âkksas narood tåimmamoodd tueʹrjjummšest da ââʹǩǩoummu sosiaal- da tiõrvâsvuõttkääzzkõõzzin § 18).
Organisaatiomuttâz diõtt teâđain vuäitt leeʹd vââʹǩǩmarginaal. Vuäǯǯmõšteâđai noorrmõõžž da snäätnaivuõđ vaiggâdvuõttân lij tõt še, što teâđaid noorât mäŋgg jeeʹresnallšem riâžldõõǥǥin.
Lââʹssteâđ
Mehiläinen Länsi-Pohja hoiddu piâssmõš da håiddstaan
Tiõrvâsvuõđhuâll-lääʹǩǩ (1326/2010) Finlexist
Laki potilaan asemasta ja oikeuksista (1992/785) Finlexist
THL:n julkaisemat tiedot hoitoonpääsystä avoimena datana
Sosiaali- ja terveysministeriön hoitotakuu-sivu