Kääzzkõs-seteeʹl âânnmõš
Meeʹst lij âânnmõõžžâst kääzzkõs-setel määŋgin sosiaal- da tiõrvâsvuõtthuâl kääzzkõõzzin.
Kääzzkõs-setel
Kääzzkõs-setel
Lappi pueʹrrvââjjamvuʹvdd vuäitt miõttâd tuʹnne kääzzkõstaarb ärvvtõõllmõõžž vuâđald kääzzkõs-seteeʹl, koin vuäitak vuäʹstted sosiaal- da tiõrvâsvuõttkääzzkõõzzid privatt kääzzkõspuuʹtʼteeʹjin, koid pueʹrrvââjjamvuʹvdd lij priimmâm. Pueʹrrvââjjamvuʹvdd tuʹmmai, koin kääzzkõõzzin kääzzkõs-seteeʹl vuäitt ââʹnned. Kääzzkõs-seteeʹlin haʹŋǩǩuum kääzzkõs lij vaajtõsmäinn pueʹrrvââjjamvuuʹd jiiʹjjes kääzzkõʹsse.
Kääzzkõstaarb ärvvtõõllmõõžž tuejjad sosiaal- leʹbe tiõrvâsvuõtthuâl ämmatneǩ. Jõs kääzzkõõzz miõttmõõžž vuâđ teâuddje, tuʹnne vueiʹtet miõttâd kääzzkõs-seteeʹl.
Kääzzkõs-seteeʹl veäkka vuäitak haʹŋǩǩeed privatt kääzzkõspuuʹtʼteeʹjest kääzzkõõzz, koon taarbšak. Seämmast tuʹst lij vuäittmõš vaʹlljeed tuʹnne suåppi kääzzkõspuuʹtʼteei.
Kääzzkõs-seteeʹl ärvv vuäitt leeʹd tääʹss-šooraž leʹbe puåttjid čõnnum. Määusak kääzzkõõzzâst vueiʹtlvaž jiõččvasttõsvueʹzz. Kääzzkõspuuʹtʼteei oudd tuʹnne kääzzkõõzz da laaskat pueʹrrvââjjamvuuʹd vuâkkõsǩeeʹrj meâlddsânji. Vuäitak tobdstõõttâd kääzzkõspuõttlaž kääzzkõs-setelvuâkkõsǩiiʹrjid tän seeidast
Âkkõõvvâm oummui kääzzkõõzz
- Tuäʹrjjkääzzkõõzz
- Dommhåidd
- Ruåtthååid tueʹrj luõvâsvuõđ kääzzkõs (pâʹjjel 65e)
- Taalkâsmieʹri juâkkmõš
- Õutstõõzzlaž jälstummuš
- Suutki pirrsaž kääzzkõsjälstummuš (vuäʹnkõs- da kuʹǩesäiggsaž)
Lääʹmes oummui kääzzkõõzz
- Persoonlaž veäʹǩǩ
- Ruåtthååid tueʹrj luõvâsvuõđ kääzzkõs (vuâlla 65e)
- Lääʹmes oummu jälstummuž tuäʹrjj
Tuâjjâkksaž oummui sosiaaltuâjj da -ohjjummuš
Äʹššneeʹǩǩ pääʹljes kääzzkõs-setelkääzzkõõzzin
Nääiʹt kääzzkõs-seteeʹlin äʹššummuš ouddan.
Sosiaal- leʹbe tiõrvâsvuõtthuâl ämmatneǩ ärvvtââll tuu vueʹjj da kääzzkõstaarb. Seämmast mõõnveʹted čõõđ kääzzkõõzz jeeʹresnallšem riâššmõõžž nääʹlid (ouddmiârkkân pueʹrrvââjjamvuuʹd jiiʹjjes kääzzkõssân, kääzzkõs-seteeʹlin leʹbe jeeʹresnalla).
Pueʹrrvââjjamvuuʹd veeʹrjtuõʹllʼjeei tuejjad tuʹmmstõõǥǥ kääzzkõõzzâst. Jõs kääzzkõs-seteeʹl miõttmõõžž vuâđ teâuddje, kääzzkõõzz vueiʹtet riâššâd tuʹnne kääzzkõs-seteeʹlin.
Vuäitak še ǩeâlddõõttâd kääzzkõs-seteeʹlest, jõs haaʹlääk. Teʹl kääzzkõõzz riâžžât jeeʹresnalla.
Kääzzkõs-seteeʹl teâđaid tååimtet tuʹnne juʹn-a pååʹšt mieʹldd leʹbe liâđǥlânji.
Kääzzkõs-seteeʹlest mušttlet:
- kääzzkõs-seteeʹl nââmar
- miõttum kääzzkõõzz
- kääzzkõs-seteeʹl äärv da
- viõǥǥâståårramääiʹj.
Lââʹssen kääzzkõs-seteeʹlest muʹšttlet kääzzkõs-seteeʹl miõttji õhttvuõtt-teâđaid.
Čårstõkkân taalkâsmieʹri jueʹǩǩemkääzzkõs, koʹst ij puäʹđ tuʹnne kääzzkõs-seteeʹl. Jõs tuʹst lij vuõiggâdvuõtt meäʹrrjuâkkmõõžž kääzzkõs-seteela, tõn tååimtet vuõiʹǧǧest kääzzkõspuuʹtʼteeja leʹbe aptekka.
Vuäitak vaʹlljeed kääzzkõspuuʹtʼteei tõin kääzzkõs-setelpuuʹtʼteeʹjin, koid pueʹrrvââjjamvuʹvdd lij priimmâm.
Tobdstõõđ kääzzkõspuuʹtʼteeʹjid addrõõzzâst parastapalvelua.fi
Vääʹld õhttvuõđ kääzzkõspuuʹtʼteeja, koon leäk vaʹlljääm.
Tuejjed kääzzkõõzzâst ǩeeʹrjlaž suåppmõõžž kääzzkõspuuʹtʼteeʹjin.
Vuäitak vaajted kääzzkõspuuʹtʼteei, jõs haaʹlääk.
Parastapalvelua.fi -neʹttseeid pääiʹǩ vuäitak täʹrǩstõõllâd tuʹnne miõttum kääzzkõs-seteeʹl. Vuäitak ǩeeʹrjtõõvvâd neʹttkääzzkõʹsse läʹddlaž baŋkktiõttivuiʹm leʹbe mobiilstaanõõǥǥin Suomi.fi -tobdstummuž ââʹneeʹl.
Neʹttkääzzkõõzzâst vuäitak:
- Väʹldded õhttvuõđ leʹbe kueʹđđed õhttvuõttväʹlddemraukkmõõžž kääzzkõspuuʹtʼteeja
- Seuʹrrjed kääzzkõs-seteeʹl âânnmõõžž
- Priʹnttjed kääzzkõs-seteeʹl, što vuäitak uʹvdded tõn kääzzkõspuuʹtʼteeja
Määusak kääzzkõõzzâst jiõččvasttõsvueʹzz. Jiõččvasttõs lij kääzzkõõzz hââʹdd da kääzzkõs-seteeʹl äärv kõʹsǩǩe paaʹcci summ.
Jiõččvasttõõzz jeät peʹrrjuku ouddmiârkkân
- taalkâsmieʹri jueʹǩǩemkääzzkõõzzâst
- veteraankääzzkõõzzin da
- lääʹmeskääzzkõõzzin.