Âkkõõvvâm oummui suutki pirrsaž kääzzkõsjälstummuš

Suutki pirrsaž kääzzkõsjälstummšin juuʹrdet jälstummuž cõõggteʹmes da staani hoiʹddjempõõrtâst, kääzzkõsdoomâst leʹbe vaʹstteei jälstemjuâkksest, koʹst lie vuäǯǯamnalla håidd da hoiʹddjummuš sutkkääiʹjest huõlǩani.

Suutki pirrsaž kääzzkõsjälstummuš âânn seʹst:

• Aassi taarbid vaʹstteei aazzâlm.
• Hååid da huõllâânnmõõžž sutkkääiʹjest huõlǩani äʹššneeʹǩǩ taarb mieʹldd.
• Veäraid, piiutâshuâl da čiistmõõžž.
• Toiʹmmjempâstlvažvuõđ da õutstõõzzlažvuõđ oouʹdeei toiʹmmjummuž.

Kääzzkõs ij ââʹn seʹst talkksid, persoonlaž hygieniatarbbšid da håiddtarbbšid di pihttsid ljn. persoonlaž tarbbšid.

Suutki pirrsaž kääzzkõsjälstummuš suäpp ooumže, kååʹtt taarbaš juõʹǩǩ peeiʹv sutkkääiʹjest huõlǩani ǩeeʹjjteʹmes hååid da huõllâânnmõõžž leʹbe kaiʹbbjeei ämmtallaš hååid. Suutki pirrsaž kääzzkõsjälstummša vuäitt piâssâd, jõs hååid da huõllâânnmõõžž riâššmõš dommhåiddan, ruåtthåiddan, piârhåiddan leʹbe jeeʹres naaʹlin ij leäkku vueiʹtlvaž leʹbe äʹššneeʹǩǩ ouddõõzz meâldlaž.

Suutki pirrsaž kääzzkõsjälstummuž riâžžât taarb mieʹldd kuʹǩesäiggsânji leʹbe vuäʹnkõsäiggsânji. Vuäʹnkõsäiggsaž suutki pirrsaž kääzzkõsjälstummuš vuäitt leeʹd kõskkpoddsaž leʹbe meäʹrmeâldlânji šõddi.