Pueʹrrvââjjmõõžž kulttuurâst
Pueʹrrvââjjmõõžž kulttuurâst
Čeäppõs- da kulttuurtåimmjummuš oouʹdad pueʹrrvââjjmõõžž määŋgain jeeʹres naaʹlin. Tõt taʹrjjad vueiʹtlvažvuõđ pueʹreed miõl da jieʹllemåårrmõõžž.
Vuässõõđeeʹl čeäppõs- da kulttuurtåimmjummša pueʹrääk kreevsõsvuõđad, jiõččtååbdad da tuõsttlõsvuõđad. Miʹjjid pirrõõtti kulttuur vueiʹtlvâstt ođđnallšem vuõinnlõõttmõõžžid, kuullâmnalla šõddmõõžž da ođđ ǩiõččâmvuõʹjji kaunnmõõžž kõskkvuõđâst pirrõõtti tuõttvuõʹtte. Čeäppõõzz paaldâst lij päiʹǩǩ smiõttâd jiijjâs tobddjid, tobdlmid, taʹrǩstõõllâd ooumažvuõʹtte õhttneei kõõččmõõžžid da mättjed ođđ aaʹššid nuuʹbbin oummuin. Čeäppõs da kulttuur vueiʹtte reʹǧsmâʹtted tuu aarǥ da vueiʹtte puʹhtted tuu õʹhtte seämmanallšem oummuivuiʹm. Jiijjâs čeäppõs- da kulttuurkõskkvuõđ vaalšummuš oouʹdad persoon da õhttõõzz pueʹrrvââjjmõõžž, tuʹtǩǩeeʹl.
Čeäppõs- da kulttuurtåimmjummuš vaaikat oummui pueʹrrvââjjmõʹšše jeäʹrbi mieʹldd ooudeeʹl vuässõõttmõõžž, vuässadvuõđ ja sosiaalʼlaž jällmõõžž, oouʹdeeʹl sosiaalʼlaž tääidaid da cõõggeeʹl čårrõõttmõõžž. Looǥǥ lââʹzz Sitra čeäppõõzz da kulttuur pueʹrrvââjjamvaaiktõõzzi teâttkoortâst.
Čeäppõõzz da kulttuurtåimmjummuž tuʹtǩǩuum tiõrvâsvuõttvaaiktõõzz liâ jeäʹrbi mieʹldd puârrnam tiõrvâsvuõtt, ǩeäppnam fyyslaž da psykoloogla oudldõõzz, di kokknam jieʹllemââʹjj vuârddmõš. Čeäppõõzzin liâ positiivlaž vaaiktõõzz håiddpirrõõzzid da hååid kvalitetta. Looǥǥ lââʹzz Sitra čeäppõõzz da kulttuur tiõrvâsvuõttvaaiktõõzzi teâttkoortâst.