Tiõrvvâz õõlŋ
Njääʹlmest õlŋŋännsummuž da ǩiddtemkoođõspuõccmõš?
Pueʹrmõs da viõkkšõs õlŋŋännsummuž håiddamkuånstt lij mieʹrrkõskksaž paaʹni põõssmõš da pääʹnnkõõski puʹtstummuš. õlŋŋännsummuš šâdd, ǥu paaʹni õlŋŋraʹjje kuâđđai sähss, leʹbe bakteerplaakk. Jõs bakteerplakk ij põõzz pääʹn ooʹlest meädda tõt kõrran pääʹnnǩeäʹdǧǧen, koon ij jiõčč vuäǯǯ meädda pääʹn ooʹlest.
Ännsam õlŋŋ lij ruâpsääm da pååssam. Õlŋŋännsummuž toobdak še võrrkolggmest õõlŋâst håʹt mâka paaʹnid põõssâm poodd leʹbe pääʹnnkõõskid puʹtsteen. Toiʹmmjeei da mieʹrrkõskksaž jiõččhåidd lij õlŋŋännsummuž vääžnmõs håiddamkuånstt!
Õlŋŋännsummuš vuäitt hååidǩani ouddned parodontittân, leʹbe pääʹn ǩiddteemkoođõspuõccmõššân. Parodontitt lij bakteer šõddeem njääʹlm ännsempuõccmõš. Parodontiitt ouddneen ännsummuš juätkkai, täʹl pääʹnn vuäitt äʹlǧǧed heillad, liikkeed da looppâst påđđan. Vääžnmõs håiddmõš lij paaʹni tääʹrǩes jiõččhoiddu čõnnõõttmõš, njäʹlmmhygieniist da/leʹbe pääʹnndåhttar tuejjeem njääʹlm puʹtstummuš da tõn mâŋŋa mieʹrrkõskksaž tuõʹllʼjemhåiddmõš håiddamplaan meâldlânji.