Reäkkõsspesiaal kääzzkõõzz

Reäkkõsspesiaal kääzzkõõzz (RIKO-tåimmʼmõš) tueʹrjjad nuõrid reäkkõõzzteʹmes da peäʹnecteʹmes jieʹllem vuâstta. Mij tåimmʼmõš lij intensiivlaž, obbvälddsaž da jåʹttlânji reagõʹstti. Mij leäʹp ravvsânji õhttvuõđâst nuõrin da tueʹrjjeep suu taarb mieʹldd reäkkõsproseeʹzz jeeʹres pooddin. RIKO-tåimmʼmõš teâuddai jeeʹresnallšem tåimmpirrõõzzin. Nuõrin lij vuäittmõš vueiʹnnlõõttâd ǩiõččlâsttmõšäʹšštobddjid še. Mij tuejjeep ravvsânji määŋgämmatlaž õhttsažtuâj nuõr taarbi meâlddsânji.

Mij kääzzkõõzz lie jurddum 18–30-âkksaž nuõrid, ǩeäk oudldâʹstte nuʹtt, što tuejjee taaujâs reäkkõõzzid leʹbe lie tuejjääm tuõttšõs reäkkõõzz. RIKO-tåimmʼmõš lij jiõččvääldlaž da vuâđđââvv naʹddjõʹsse. Kääzzkõs lij jurddum nuõrid, ǩeäk lie tååđtem jiiʹjjez jieʹllemvuâkka da täävtâʹlle reäkkõõzzteʹmes da peäʹnecteʹmes jieʹllem.

Meeʹst lie tåimmpääiʹǩ Ruäʹvnjaarǥâst da Ǩeeʹmmest, leâša tuejjeep siõmmna tuâj še jeeʹresåʹrnn Lappi pueʹrrvââjjamvuuʹdest. Ohjjeempââʹjest taarbšep teâđ nuõr taaujâs leʹbe tuõttšõs reäkkõsvuõđâst, što vueiʹttep taʹrjjeed puermõs vueiʹtlvaž tueʹrj. RIKO-tåimmʼmõš lij vueʹss Lappi pueʹrrvââjjamvuuʹd piâr- da tuâjjâkksaž oummui sosiaalkääzzkõõzz.

Ǩeäzz da mââi määinai vuâđald

Mij kääzzkõõzz lie jurddum 18–30-âkksaž nuõrid, ǩeäk oudldâʹstte nuʹtt, što tuejjee taaujâs reäkkõõzzid leʹbe lie tuejjääm tuõttšõs reäkkõõzz.

Tååim nääiʹt

Nuõr ohjjâʹvve mij tåimmʼmõʹšše pååʹles, reäkkõsseuʹrrjõsstroiʹttel (RISE) da šiõttʼtõõllâmkonttâr pääiʹǩ.