Sääʹmǩiõli tuʹlǩǩõs kääzzkõõzzin

Sääʹmǩiõll-lääʹjj mieʹldd sääʹmǩiõllsaž kääzzkõõzz põõrǥât riâššâd vuõss-sââʹjest nuʹtt, što äʹššneeʹǩǩ ohjjeet sääʹmǩiõllsaž tuâjjla årra. Jõs sääʹmǩiõllsaž kääzzkõs ij leäkku vuäǯǯamnalla, taʹrjjeet vaajtõsmäinnan tuʹlǩǩeemkääzzkõõzz.

Tuʹlǩǩummuž riâššmõõžžâst lij šiõǥǥ suåppâd juʹn ääiʹjvaʹrrjummuž õhttvuõđâst, da tõn diõtt lij šiõǥǥ peäggted tuʹlǩǩeemtaarbâst, ko vaʹrrjak ääiʹj mij kääzzkõõzzid. Mij tuâjjlažkåʹdd âânn huõl tuʹlǩǩummuž riâššmõõžžâst sääʹmǩiõʹlle, koon âânak. Tuʹlǩǩummuž vueiʹtet riâššâd vueʹjj mieʹldd ougglõsõhttvuõđin leʹbe pääiʹǩ âʹlnn. Tuʹlǩǩummuš lij määustem äʹššnekka.

Lappi pueʹrrvââjjamvuʹvdd âânn tulkkân vuõss-sââʹjest jiiʹjjes tuâjjlaid. Täävtõs lij, što äʹššneeʹǩǩest lij seämma tulkk âânnmõõžžâst ǩeeʹjjmieʹldd suu äʹššummuž. 

Sääʹmõhttsažkåʹdd lij uʹcc, da mõõn-ne vueʹjjin eʹtǩǩuum tulkk vuäitt leeʹd cõggneei. Äʹššnekka mušttlet tuulk nõõm ouddǩiõʹtte, što son vuäitt ärvvtõõllâd, vuäitt-a tulkk hoiʹddjed suu ääʹšš.