Teâttsuejjvaʹstteei

Rekisterõsttum vueiʹtte leeʹd õhttvuõđâst teâttsuejjvaʹstteeja pukin kõõččmõõžžin, kook koʹlle sij personteâđai ǩiõttʼtõõllmõʹšše da teâttsuejjvuõiggâdvuõđi âânnmõʹšše.

Rekisterõsttum vuõiggâdvuõđid kuulli teâđstõõllmõõžžid vaʹsttummuš pohtt teâttsuejjvaʹstteeʹjid ärvvsaž teâđ organisaatia teâttsuejj tääʹzzest da lääʹjjšiõtteem jäʹǩǩtummšest. Lij vääžnai, što puk teâttsuõjju kuulli pannpääiʹǩ puäʹtte teâttsuejjvaʹstteei tiõttu.

Teâttsuejjvaʹstteei tuâjjan lij

• seuʹrrad teâttsuejjmieʹrrõõzzi jäʹǩǩtummuš organisaatiain da puʹhtted ouʹdde vuâmmšum vaaʹnid.  
• valvvâd ääʹššlažteâđai lääʹjjmeâldlaž  ǩiõttʼtõõllmõõžž    
• uʹvdded teâđaid da vuäʹpsted teâttsuejjmieʹrrõõzzi meâldlain õõlǥtõõzzin jååʹđteeʹjid da personteâđaid ǩiõttʼtõõlli tuâjjtuejjeeʹjid  
• uʹvdded raukkmen vuäʹppsid teâttsuej vaikktemarvvlâsttmõõžž (DPIA) raajjmõõžžâst da valvvâd vaikktemarvvlâsttmõõžž teâddjummuš    
• tåimmad rekisterõsttji õhttvuõttooumžen personteâđai ǩiõttʼtõõllmõʹšše kuulli aaʹššin 
• tuejjeed õhttsažtuâj valvvâmveʹrǧǧniiʹǩǩin da tåimmad valvvâmveʹrǧǧneeʹǩǩ õhttvuõttooumžen.

Õhttvuõtt-teâđ

Lappi pueʹrrvââjjamvuuʹd  teâttsuejjvaʹstteejen tåimma:

Eija Kivekäs, teʹl. 040 689 1145

Teija Karvonen, teʹl. 040 480 7809

neʹttpååʹštaddrõs: tietosuojavastaava@lapha.fi

Jõs tuʹst lij tarbb vuõltteed peeitast ââʹnnem teâđaid teâttsuejjvaʹstteeja, vuäitak tuejjeed tõn ââʹneel  staan-neʹttpååʹšt. Tåimmai tõn vueʹjjest nääiʹt:

• mõõn addrõʹsse Saaǥǥ vuõlttummuš - Lappi  pueʹrrvââjjamvuʹvdd (lapha.fi)
• rekisterõõđ staan-neʹttpååšta 
• vuõlttâd saaǥǥ da vueiʹtlvaž meâlddõs  staan-neʹttpååšta meâlddõssân vuâsttavalddja.