Tuâjjtiõrvâsvuõtthuâll

Tuâjjtiõrvâsvuõtthuâll kooll pukid, ǩeäk lie reâuǥast.  Lääʹjjest mieʹrruum tuâjjtiõrvâsvuõtthuâll lij ouddǩiõʹtte cõggi da reâuggamoodd tuõʹllʼjeei.  Tõn täävtõs lij tueʹrjjeed tuu reâuggamoodd ǩeeʹjjmieʹldd tuu karriääʹr. Puõccihååid riâššmõš lij jiõččtäättlaž tuâjjuʹvddja.

Tuâjjtiõrvâsvuõtthuâl reäšš da mähss tuâjjuʹvddi.  Jõs leäk põõrǥâsneǩ leʹbe tuejjääk jiiʹjjad tuâj, vuäitak riâššâd tuâjjtiõrvâsvuõtthuâllkääzzkõõzzid jiõccsad.  Tuâjjuʹvddi vuäitt haʹŋǩǩeed tuâjjtiõrvâsvuõttkääzzkõõzzid pueʹrrvââjjamvuuʹdest, privatt dåhttarpõõrtâst leʹbe jeeʹres kääzzkõspuuʹtʼteeʹjest. Tuâjjuʹvddi vuäitt riâššâd tuâjjtiõrvâsvuõtthuâl jiiʹjjes toiʹmmjummšen še.

Tååim nääiʹt

Vääʹld õhttvuõđ jiiʹjjad tuâjjuʹvddja.  Son mušttal tuʹnne, måkam kääzzkõõzzid tuâjjpääiʹǩad tuâjjtiõrvâsvuõtthuõllu kooll da oudd tuâjjtiõrvâsvuõtthuâlad õhttvuõtt-teâđaid.  Lappi pueʹrrvââjjamvuuʹd jiiʹjjes tuâjjlažkååʹdd tuâjjtiõrvâsvuõtthuâlast käunn’je teâđ Kaltio-intrast.

Lappi pueʹrrvââjjamvuuʹd ǩeâšttjâttam vooudlaž kääzzkõspuuʹtʼteei

Mij leäp riâššâm lääʹjjest mieʹrruum tuâjjtiõrvâsvuõtthuâl vuuʹdstân tåimmai põrggsi tuâjjlaid da põõrǥâsniiʹǩǩid nuʹtt, što tõt ǩeâšttjâtt kääzzkõztaʹrjjeejid.  Ǩeâšttjâttmõõžž täävtõs lij leämmaž ainsmâʹtted, što pukin vuuʹdin lij tuâjjtiõrvâsvuõtthuâl kääzzkõspuuʹtʼteei.

Lääʹjjest mieʹrruum tuâjjtiõrvâsvuõtthuâl kääzzkõõzzid riâžžât Lappi pueʹrrvââjjamvuuʹdest pueʹttinalla:

Lappica puuʹtat tuâjjtiõrvâsvuõtthuâl kääzzkõõzzid Jeänõõǥǥâst, Muoniost, Ranuast, Ruäʹvnjaarǥâst, Suäʹđjlest da Ylitorniost.

Terveystalo puuʹtat tuâjjtiõrvâsvuõtthuâl kääzzkõõzzid Aanrest, Ǩeeʹmmjääuʹrest, Pelkosenniemest, Sallast, Suõvvkuõškâst, Tervolast da Uccjooǥǥâst.

Mehiläinen puuʹtat tuâjjtiõrvâsvuõtthuâl kääzzkõõzzid Ǩeeʹmmest, Keminmaast da Torniost.

Pihlajalinna puuʹtat tuâjjtiõrvâsvuõtthuâl kääzzkõõzzid Ǩiʹttlest, Kolarist da Pellost.

Oulunkaari puuʹtat tuâjjtiõrvâsvuõtthuâl kääzzkõõzzid Simost.

Coronaria puuʹtat tuâjjtiõrvâsvuõtthuâl kääzzkõõzzid Posiost.