Väʹlddǩeeʹrjin äʹššõõttmõš
Äʹššõõđ sosiaal- da tiõrvâsvuõttkääzzkõõzzin väʹlddǩeeʹrjin
Tän seeid vueʹllruõbdâst kaaunak mallvuâđaid väʹlddǩeʹrjjvuâđain, koid vuäitak äuʹǩǩeed, ko äʹššääk mij kääzzkõõzzin. Väʹlddǩeeʹrj vuäitt še tuejjeed frijjnallšeld ǩeeʹrjteeʹl ǩeerjliʹžžen, ko mâka tõt âânn seʹst kaiʹbbjum teâđaid. Taarb mieʹldd vuäitak raukkâd väʹlddǩeʹrjjvuâđ še mij äʹššeempaaiʹǩin leʹbe rekisterâʹsttemkonttrest.
Siâzztõõllâp rekisterâʹstted peäʹlest äʹššummuž Suomi.fi-kääzzkõõzzâst, ko teʹl väʹlddummuž vuäitt äuʹǩǩeed Lappi pueʹrrvââjjamvuuʹd ääiʹjvaʹrrjemkääzzkõõzzin di rajjeeʹl mij måtam äʹššeemkääzzkõõzzin di aptekkäʹššummšest da tiõrvâsvuõtthuâl MuuKantast. Suomi.fi-vääʹld ouddmõõžžid ij vueiʹt täʹrǩsted jeeʹres kääzzkõõzzin nuʹtt, što mij taarbšep še jeäʹrab väʹlddummuž miʹjjid tååimtum väʹlddǩeʹrjjen tõid kääzzkõõzzid.
Jõs haaʹlääk uʹvdded nuuʹbb ooumže väʹlddǩeeʹrj peäʹlest äʹššummša, tååim nääiʹt
- Priʹntte, tieuʹd da vuâllaǩeeʹrjet vueʹlnn åårrai “Väʹlddǩeʹrjj puõcciäʹššǩiiʹrji luõvtummša” -lomaakk.
- Maaccât lomaakk tuu kääzzkõõzz õhttvuõttooumže äʹššneǩ-kaaunõõttmõõžž leʹbe vuâsttavälddmõõžž õhttvuõđâst leʹbe pååʹštet tõn lomaakkâst käunnʼjeei maacctemaddrõʹsse.
- Jõs äʹššǩeeʹrj maaccat måtam nuʹbb ooumaž ko väʹlddummuž uʹvddi jiõčč, leäʹp väʹlddǩeeʹrj uʹvddja taarb mieʹldd õhttvuõđâst, što väʹlddǩeeʹrj vuõiǥâsvuõđ vueiʹtet ainsmâʹtted.
Väʹlddǩeeʹrj ruõkkât mij äʹššneǩ- leʹbe puõcciteâttriâžldõʹǩǩe. Ko haaʹlääk looppted väʹlddǩeeʹrj viõǥǥâståårrmõõžž, priʹntte vueʹlnn åårrai ”Puõcciäʹššǩiiʹrji luõvtummša uvddum väʹlddǩeeʹrj jårrâsttmõš” -lomaakk da tieuʹd tõn. Jårrâʹsttemlomaakk vuäitt maaccted pååʹšt mieʹldd leʹbe jiõčč puuʹteeʹl mij tåimmpäikka. Jårrâʹsttemlomaakk ruõkkât še äʹššneǩ- leʹbe puõcciteâttriâžldõʹǩǩe.
Rekistertuõʹllʼjeeʹjen da teâđai luõvteeʹjen meeʹst lij vasttõs tõʹst, što teâđ luõvtummuš leʹbe mušttlummuš šâʹdde lääʹjj mieʹldd, teâttsuej da peittast âânnmõõžž õõlǥtõõzzid lokku vääʹldeeʹl. Meeʹst lij õõlǥtemvuõtt ainsmâʹtted teâđaid raukki väʹldduum oummu identiteeʹtt. Lââʹssen veʹrǧǧneeʹǩǩest lij vaaldšemlääʹjj (434/2003) 12 § nuäjain mââimõs ǩiõđâst õõlǥtemvuõtt ärvvtõõllâd väʹlddummuž luõʹttjemvuõđ ouddmiârkkân teâđstõõleeʹl tän väʹlddummuž uʹvddjest.
Väʹlddǩeʹrjj puõcciäʹššǩiiʹrji luõvtummša (pdf)
Puõcciäʹššǩiiʹrji luõvtummša uvddum väʹlddǩeeʹrj jårrâsttmõš (pdf)