Vuõiggâdvuõtt sääʹmǩiõllsaž kääzzkõʹsse

Säʹmmlaž äʹššneeʹǩǩest lij vuõiggâdvuõtt vuäǯǯad sosiaal- da tiõrvâsvuõttkääzzkõõzzid sääʹmǩiõlid. Tät vuõiggâdvuõtt vuâđđââvv Lääʹddjânnam lääʹjjšiõttummša da meeraikõskksaž suåppmõõžžid, da tõt kuâskk äʹššneeʹǩǩ soorčǩani tõʹst, silttad-a son lääʹddǩiõl.

Sääʹmǩiõll-lääʹjj mieʹldd sääʹmǩiõllsaž kääzzkõõzz riâžžât vuõss-sââʹjest nuʹtt, što äʹššneeʹǩǩ ohjjeet sääʹmǩiõllsaž tuâjjla årra. Tuʹlǩǩõs lij nuuʹbbsâjjsaž vaajtõsmäinn teʹl, ko sääʹmǩiõllsaž tuâjjlaž ij leäkku vuäǯǯamnalla.

Lappi pueʹrrvââjjamvuʹvdd âlgg staaneed saaʹmi dommvuuʹd aazzjid vuõiggâdvuõđ ââʹnned sääʹmǩiõl veʹrǧǧneǩäʹššummšest kuhttu njäälmlânji da ǩeerjlânji. Äʹššneeʹǩǩest lij še vuõiggâdvuõtt vuäǯǯad suu kuõskki äʹššǩiiʹrjid, mâʹte tuʹmmstõõǥǥid, sääʹmǩiõʹlle.

Vuõiggâdvuõtt sääʹmǩiõllsaž kääzzkõõzzid kuâskk kääzzkõõzzid:

• koid riâžžât saaʹmi dommvuuʹd kooʹddin (Uccjokk, Aanar, Jeänõk da Suäʹđjel tâʹvv-vueʹss Vuõccu) 
• koid pueʹrrvââjjamvuʹvdd lij ohjjääm dommvuuʹd aazzi dommvuuʹd åålǥbeälla (ouddmiârkkân Muonio puõccisââʹjj) 
• koid riâžžât tåʹlǩ saaʹmi dommvuuʹd åålǥbeäʹlnn (ouddmiârkkân Lappi kõõskõspuõccipõrtt)