Juos buohccát vuoiŋŋahatinfekšuvdnii

• Láivves koronavirusinfekšuvdna dikšojuvvo seammá láhkái go dábálaš influeansa.
• Juos du almmolaš veadju hedjona dahje dávdamearkkat leat duođalaččat, gánneha váldit oktavuođa dearvvasvuođafuolahussii, nu mo ain earáge buohccámiid oasil.
• Riskajoavkkuide gullevaš olbmuid gánneha váldit vuollegis šielmmáin oktavuođa iežas dearvvasvuođafuolahussii. Riskajoavkkuide gullevaš olbmuin lea vejolaš álggahit dárbbu mielde dálkkasdivššu koronadávdamearkkaid dikšumii.
• Árgaeallimii sáhttá máhccat, go feber lea nohkan ja dávdamearkkat leat čielgasit geahppánan.
• Maŋŋenuorvu dahje -gosahat sáhttá joatkašuvvat oalle guhká, iige dat eastte máhccamis ovdamearkka dihte bargui, skuvlii ja beaiveruktui.
• Vaikko bearrašis livččii koronanjoammun, eará bearašlahtut sáhttet mannat dábálaš vuogi mielde ovdamearkka dihte bargui, skuvlii, beaiveruktui ja astoáigedoaimmaide, juos sis alddiset eai leat dávdamearkkat.

Sáhtát mannat koronavirustestemii, juos

• don gulat duođalaš koronavirusdávdda riskajoavkkuide
• don gulat Paxlovid-dálkkasdivššu čuozáhatjovkui
• don leat áhpeheapmin dahje leat riegádahttán guhtta vahku siste
• dus lea mii nu eará buđđosanriskadahkkiid, mii hearkuda duođalaš koronavirusdávdii dahje
• dearvvasvuođafuolahusa ámmátolmmoš ávžžuha testema.

THL: Duođalaš koronavirusdávdda riskajoavkkut (suomagillii)

THL: Koronavirus ja buđđosanhearkivuohta (suomagillii)

Lappi buresveadjinguovlu: Gulango mun Paxlovid-dálkkasdivššu čuozáhatjovkui? (suomagillii)

Muohtosuoji geavaheapmi

Sosiála- já dearvvasvuođafuolahusas áššiid divššodettiin ávžžuhuvvo geavahit kirurgalaš njálbme-njunnesuoji buohcciid, áššehasaid ja bargiid suddjema dihte. 

Muđui njálbme-njunnesuoji sáhttá geavahit iežas árvvoštallama mielde. Muohtosuodji eastá goaikkanasaid leavvamis birrasii. Go geavahat muohtosuoji, suddjet earáid njoammuma vuostá. 

Mii ávžžuhit, ahte geavahat muohtosuoji ain almmolaš sisbirrasiin ja johtolatneavvuin, juos 

• manat koronaeahpádusa sihte dikšui dahje testii
• don gulat duođalaš koronavirusdávdda riskajoavkkuide
• dus leat vuoiŋŋahatinfekšuvnna dávdamearkkat, muhto dutnje lea vealtameahttun johtit ruovttu olggobealde
• don dieđát ahte leat dávdaluvvan koronavirusii, ovdamearkka dihte du bearrašis lea gávnnahuvvon njoammun, muhto it sáhte garvit lagaškontávttaid ruovttu olggobealde.

Gullevaš bálvalusat

Lassedieđut:

Dieđut áššehasmávssuid birra

Dieđut ja doarjja neahtas

Kanta.fi: Koronatodistus

THL: Koronatodistus

THL: Ajankohtaista koronaviruksesta

THL: Usein kysyttyä koronarokotuksista

Áigeguovdil bálvalusain