Kuás mun koolgâm moonnâđ kocemân?

Fakkist šoddâm puácuvuođâtoppiittuvâin já etitiileest suáiti 112.

Huápulii tipšom vättee puácuvuođâin kannat vuosâsaajeest väldiđ ohtâvuođâ jieijâd tiervâsvuođâsajattâhân puhelimáin tállân iđedist, ko äigiväridem liäkkoo.

Kocemist tipšojeh oles pirrâmpeeivi tagareh pyecceeh, kiäi puácuvuođâ tâi váádu tipšom ij pyevti sirdeđ majeláá symptoomij viärránhánnáá tâi váádu vádásmuuhánnáá.

Tágáreh symptoomeh láá ovdâmerkkân

• kierdâmettum fakkist ittáám poovčâs 
• täpitorme, vavjum morrum tâi ennuv vardee häävi
• váimuvuálgusâžžân tulkkumnáál raddepoovčâs
• fakkist šoddâm jiegâatâštâs
• fakkist šoddâm vuoččumsymptoom: fakkist šoddâm sárnumhemâdâs, njälmipiällá njooccâm já/tâi nube pele tekkinjuorâsvuotâ
• fakkist šoddâm korrâ uáivikiäsáttâh
• fakkist šoddâm korrâ tâi viäráneijee čuávjipoovčâs
• aakuutlâš mielâtiervâsvuođâvädisvuotâ, seemih, jiešhiävulâšvuotâ
• korrâ allergisâš reaktio

Mii fáárun?

Lii tehálâš, ete vááldáh fárusâd ääigitásásii talhâslisto já/tâi talhâsmiärádâsâid, ko kocemist ij lah velttâdhánnáá tiätu tuu vuáđupuácuvuođâin já toi táálhudmijn.

Fáárun kannat väldiđ meiddei kierdâvâšvuođâ, ko kocemist kalga távjá vyerdiđ tuáhtár luus peessâm. Tipšom adeluvvoo ain huápulâšvuotâoornigist, ij almottâttâmoornigist.

Jis tun jieh jieš áppád čielgiđ kocemân puáttim suujâ já tábáhtusâid ovdil puáccám, kannat leđe ohtâ miäđušteijee mield.