Divššu bissovašvuođamálle váldo atnui Soađegilis – dearvvasvuođaguovddáža áššiiddikšunnummir rievdá 2.10.

Soađegili buresveadjinguovddáš Sopukka hoahpohis vuostáiváldinbálvalusain váldo atnui 2.10.2023 rájes divššu bissovašvuođamálle.

Rievdadusa mielde juohke Soađegili ássái lea meroštallon iežas dikšojoavku. Dat, guđe dikšojoavkku áššehas don leat, mearriduvvo iežat goarggu vuosttaš bustáva mielde. Boahttevuođas dearvvasvuođaguovddáža rabasvuostáiváldimii leat golbma telefonnummira: telefonnummirat guovtti jovkui sihke okta hohpolaš dikšui. 

Oaččut oktavuođa iežat dikšunbargiide, go riŋget iežat joavkku áššiiddikšun- ja áiggivárrennummirii dahje OmaOlo- áššiiddikšuma bokte. Rievdadus guoská dušše dearvvasvuođaguovddáža rabasvuostáiváldima áššiiddikšuma. Ovdamearkka dihte skuvladearvvasvuođafuolahus, rávvehagat ja ruovttubuohccedikšu jotket doaimmaset dego ovdal. 

Divššu bissovašvuođamálle geažil beasat dikšut áššiid dearvvasvuođadálus oahpes doaktáriiguin ja divššáriiguin. Rievdadusain viggat buoridit dikšunbálgá joatkašuvvama, áššehasduhtavašvuođa sihke dieđujohtima. 

Soađegili joavkkut ja áššiiddikšunnummirat:

• Kiela-joavku: 016 860 4841 goarggu álgobustáva A-L
• Siula-joavku: 016 860 4842 goarggu álgobustáva M-Ö
• Akuhttavuostáiváldin: 016 860 4840 

Ná divššut áššiid dearvvasvuođadáluin rievdadusa geažil:

• Dárkkis iežat joavkku ja joavkku oktavuođadieđuid čujuhusas lapha.fi.
• Go buohccát, váldde oktavuođa iežat dearvvasvuođadállui OmaOlo-áššiiddikšuma bokte dahje riŋge iežat jovkui.
• Jos dárbbahat akuhta divššu, riŋge hohpolaš divššu áššiiddikšunnummirii (gohcin). Gohcimis dikšut olbmuid, geaid buohcuvuođa dahje váttu divššu ii sáhte maŋidit ilmmá dávdamearkkaid vearráneami dahje vádduma dihte.
• Beasat dikšut áššiid dearvvasvuođadálus iežat joavkku doaktáriiguin ja divššáriiguin.